തലശ്ശേരി : പോക്സോ കേസിൽ പ്രതിക്ക് 10 വർഷം കഠിനതടവും 50,000 രൂപ പിഴയും. പിണറായി കോളാട്ടെ ടി.സത്യനെയാണ് (53) തലശ്ശേരി അതിവേഗ പ്രത്യേക കോടതി ജഡ്ജി ടിറ്റി ജോർജ് ശിക്ഷിച്ചത്.
പിഴയടച്ചില്ലെങ്കിൽ ഏഴുമാസം തടവനുഭവിക്കണം. യോഗചെയ്താൽ അസുഖം മാറ്റാമെന്ന പേരിൽ വീട്ടിൽ കയറി ഭിന്നശേഷിക്കാരിയായ 13 വയസ്സുകാരിയെ കടന്നുപിടിച്ചെന്നാണ് കേസ്.
2020 ഫെബ്രുവരി 24-നാണ് സംഭവം. പ്രോസിക്യൂഷനുവേണ്ടി സ്പെഷ്യൽ പ്രോസിക്യൂട്ടർ പി.എം.ബാസുരി ഹാജരായി. പിണറായി പോലീസ് സബ് ഇൻസ്പെക്ടർ കെ.വി.ഉമേഷാണ് കേസന്വേഷണം നടത്തി കുറ്റപത്രം നൽകിയത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.