കണ്ണൂർ: താഴെചൊവ്വയിൽ ഉണ്ടായ വാഹനാപകടത്തിൽ യുവാവിന് ദാരുണാന്ത്യം. പള്ളിക്കുന്ന് പന്നേൻപാറ സ്വദേശി സബിൻ മോഹൻദാസ്(42) ആണ് മരിച്ചത്. തോട്ടടയിലെ ട്രാക്കോൺ കൊറിയർ സ്ഥാപനത്തിലെ ജീവനക്കാരനാണ് മരണപ്പെട്ട സബിൻ.ഇന്ന് കാലത്ത് ഏഴ് മണിയോടെ താഴെ ചൊവ്വ റെയിൽവേ ഗേറ്റിന് സമീപത്തായി ടിപ്പർ ലോറിയും സബിൻ സഞ്ചരിച്ച ബുള്ളറ്റും കൂട്ടിയിടിച്ചാണ് അപകടം. തോട്ടടയിലെ ജോലി സ്ഥലത്തേക്ക് പോകവേയായിരുന്നു അപകടം. തലശേരി ഭാഗത്തു നിന്നും കണ്ണൂർ ഭാഗത്തേക്ക് വരികയായിരുന്ന കെ എൽ 77ബി9461 നമ്പർ മിനി ഐഷർ ലോറി എതിരെ വരികയായിരുന്ന കെഎൽ 13 എഎൻ 253 നമ്പർ ബുള്ളറ്റുമായി കൂട്ടിയിടിക്കുകയായിരുന്നു. ഓടിയെത്തിയ നാട്ടുകാർ ഗുരുതരമായി പരിക്കേറ്റ സബിനെ ചാലയിലെ സ്വകാര്യ ആശുപത്രിയിൽ പ്രവേശിച്ചെങ്കിലും മരണം സംഭവിക്കുകയായിരുന്നു. ലോറി അമിത വേഗതയിലായിരുന്നുവെന്ന് നാട്ടുകാർ പറഞ്ഞു.അപകടത്തെ തുടർന്ന് അൽപ നേരം ഗതാഗതം സ്തംഭിച്ചു.
പന്നേൻപാറ ചെറുമണലിൽ ഹൗസിലെ മോഹൻ ദാസിന്റെയും വൽസലയുടെയും മകനാണ് സബിൻ. ഭാര്യ: പ്രജിന. ഏകമകൾ: നക്ഷത്ര
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.