നാറാത്ത് പഞ്ചായത്ത് തലത്തിൽ എൽ.എസ്.എസ് പരീക്ഷയിൽ വീണ്ടും ഉജ്ജ്വല വിജയം നേടി പുലീപ്പി ഹിന്ദു എൽ.പി.സ്കൂൾ ഒന്നാം സ്ഥാനത്ത്

കണ്ണാടിപ്പറമ്പ് : കേരള സർക്കാർ പൊതു പരീക്ഷാ വിഭാഗം നാലാം ക്ലാസ്സിലെ കുട്ടികൾക്കായി നടത്തുന്ന ലോവർ സെക്കൻ്ററി പരീക്ഷയിൽ തുടർച്ചയായി നാറാത്ത് പഞ്ചായത്ത് തലത്തിൽ ഒന്നാം സ്ഥാനം നിലനിർത്തി പുലീപ്പി ഹിന്ദു എൽ.പി.സ്കൂൾ ഉജ്ജ്വല വിജയ ചരിത്രം കുറിച്ചു. 8 പേരാണ് ഈ വർഷം അഭിമാന നേട്ടം കൊയ്തത്. അധ്യാപകർ നൽകുന്ന മികവുറ്റ പരിശീലനവും രക്ഷിതാക്കൾ നൽകുന്ന പിന്തുണയും തുടർപ്രവർത്തനങ്ങളുമാണ് വർഷങ്ങളായി ഈ നേട്ടത്തിന് സ്കൂളിനെ പ്രാപ്തമാക്കുന്നത്. മലയാളം മീഡിയത്തിലും ഇംഗ്ലീഷ് മീഡിയത്തിലും കുട്ടികളെ പരീക്ഷക്കു സജ്ജമാക്കുന്നതിൽ കൃത്യമായ ടൈംടേബിൾ അനുസരിച്ചുള്ള പരിശീലനം നടക്കുന്നു. പാഠ്യ പാഠ്യേതര പ്രവർത്തനങ്ങളിൽ ശ്രദ്ധേയമായ നേട്ടങ്ങൾ കൈവരിച്ചു കൊണ്ടിരിക്കുന്ന വിദ്യാലയത്തിന് രക്ഷിതാക്കളുടെയും നാട്ടുകാരുടെയും നിർലോപമായ സഹകരണങ്ങൾ കൂടിയുണ്ട്. എൽ. എസ്. എസ്. പരീക്ഷാ വിജയികളെ പി.ടി.എ അഭിനന്ദിച്ചു.