ചക്കരക്കല്ല് : ചാപ്പ മണൽകാട്, ഇരിവേരി പ്രദേശങ്ങളിലായി പട്ടിയുടെ പരാക്രമത്തിൽ ആറുപേർക്ക് കടിയേറ്റു. തിങ്കളാഴ്ച ഉച്ചയ്ക്ക് 12-ഓടെയാണ് പ്രദേശത്ത് പട്ടിയുടെ പരാക്രമം നടന്നത്. ചാപ്പ മണൽക്കാട് ഭാഗത്ത് വീടിന്റെ വർക്ക് ഏരിയക്ക് സമീപം കുഞ്ഞിന് ഭക്ഷണം കൊടുക്കുന്നതിനിടെയാണ് വാഴയിൽ ആബിദയ്ക്ക് കടിയേറ്റത്. കനാൽ പരിസരത്ത് സലാം പീടികയ്ക്ക് സമീപം പുളുക്കൂൽ ഇസ്മായിലിനും (71) കടിയേറ്റു. പ്രദേശത്തെ വീട്ടിൽ ജോലിക്കായി എത്തിയ രണ്ട് ആശാരിമാർക്കും കടിയേറ്റു. തുടർന്ന് ഇരിവേരിയിലെ കമല (60), പ്രകാശൻ (52) എന്നിവരെയും പട്ടി കടിച്ചു. അങ്കണവാടിയിലേക്ക് കുട്ടിയെ കൂട്ടാൻ പോകുമ്പോഴാണ് കമലയ്ക്ക് കടിയേറ്റത്. പരിക്കേറ്റ എല്ലാവരും ജില്ലാ ആസ്പത്രിയിൽ ചികിത്സ തേടി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.