പയ്യന്നൂർ: സർക്കിൾസഹകരണ വാരാഘോഷത്തിനോടനുബന്ധിച്ച് നടന്ന പൊതുയോഗത്തിനിടെ വി. കുഞ്ഞികൃഷ്ണൻ എം എൽ എയുടെ പ്രസംഗം തടസ്സപ്പെടുത്തി എം എൽ എ യുടെ പ്രൈവറ്റ് സെക്രട്ടറിയെ ചീത്തവിളിക്കുകയും മർദ്ദിക്കുകയും ചെയ്തുവെന്ന പരാതിയിൽ എട്ടു പേർക്കെതിരെ പയ്യന്നൂർ പോലീസ് ജാമ്യമില്ലാ വകുപ്പുകൾ പ്രകാരം കേസെടുത്തു. എം എൽ എയുടെപ്രൈവറ്റ് സെക്രട്ടറി വെള്ളൂർ ചേനോത്തെ പി.പ്രസന്നൻ്റെ (56) പരാതിയിലാണ് കാങ്കോൽ സ്വദേശി സിദിൻ, ഷിബിൻ കാനായി, മുല്ലക്കൊടിയിലെ രാഹുൽ , രാമന്തളിയിലെ കെ.വി. സുരേന്ദ്രൻ , കുന്ന രുവിലെ കെ.പി.സുനിൽകുമാർ, കോറോത്തെ സുരേന്ദ്രൻ ,ഐ.വി നാരായണൻ, രമേശൻ രാമന്തളി എന്നിവർക്കെതിരെയാണ് പയ്യന്നൂർ പോലീസ് കേസെടുത്തത്. ഇന്നലെ രാവിലെ 11 മണിയോടെ കണ്ടോത്ത് ശ്രീ കുറുമ്പ ഓഡിറ്റോറിയത്തിൽ വെച്ചായിരുന്നു സംഭവം. കേസിൽ കൂടുതൽ പ്രതികൾ ഉണ്ടാകുമെന്ന് പോലീസ് സൂചന നൽകിയിട്ടുണ്ട്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.

