കണ്ണൂർ: കണ്ണൂർ കോർപ്പറേഷന്റെ മാലിന്യ നീക്കം കൂടുതൽ വേഗത്തിലാക്കാനും ലളിതമാക്കാനും ലക്ഷ്യമിട്ട് പുതിയ കവേഡ് ടിപ്പർ ലോറി നിരത്തിലിറങ്ങി. പുതുതായി വാങ്ങിയ മാലിന്യ നീക്കത്തിനുള്ള ഈ ലോറിയുടെ ഫ്ലാഗ് ഓഫ് കർമ്മം മേയർ പി. ഇന്ദിര നിർവഹിച്ചു.
സർക്കാരിന്റെ നൂറുദിന കർമ്മപദ്ധതിയിൽ ഉൾപ്പെടുത്തിയാണ് കോർപ്പറേഷനായി വാഹനം വാങ്ങിയിരിക്കുന്നത്. ടൗണിലെയും സമീപ പ്രദേശങ്ങളിലെയും ജൈവ – അജൈവ മാലിന്യങ്ങൾ കൃത്യസമയത്ത് ശേഖരിച്ച് നീക്കം ചെയ്യാൻ പുതിയ വാഹനം ഏറെ സഹായകരമാകും.
ചടങ്ങിൽ സ്റ്റാൻഡിങ് കമ്മിറ്റി ചെയർമാൻമാരായ ലിഷ ദീപക്, ശ്രീജ മഠത്തിൽ, റിഷാം താണ, പി. ഷമീമ, റിജിൽ മാക്കുറ്റി, വി.കെ. മുഹമ്മദലി, കോർപ്പറേഷൻ സെക്രട്ടറി രാകേഷ് കുമാർ, ക്ലീൻ സിറ്റി മാനേജർ കെ.വി. രാജീവൻ തുടങ്ങിയവർ സംബന്ധിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.