വളപട്ടണം : വെട്ടുകത്തിയുമായിവീട്ടിൽ അതിക്രമിച്ചുകയറി അക്രമം നടത്തുന്നത് മൊബൈൽ ഫോണിൽ ചിത്രീകരിക്കാൻ ശ്രമിച്ച യുവതിയെ വെട്ടി പരിക്കേൽപ്പിച്ചു പരാതിയിൽ പോലീസ് കേസെടുത്തു. അലവിൽ സ്വദേശിനി എ. തുഷാര (34) യുടെ പരാതിയിലാണ് അലവിൽ ഉളിയിലെ രാജേന്ദ്രനെ (70) തിരെ വളപട്ടണം പോലീസ് കേസെടുത്തത്. 12 ന് ഉച്ചയ്ക്ക് 2.30 മണിക്ക് അലവിൽ കുടുംബസമേതം താമസിക്കുന്ന പരാതിക്കാരിയുടെ വീട്ടിൽ വെച്ചാണ് സംഭവം. വെട്ടുകത്തിയുമായി അകത്ത് കയറിയ പ്രതി പരാതിക്കാരിയുടെ അമ്മയുടെ ചേച്ചിയെ വെട്ടാൻ ശ്രമിച്ച സമയത്ത് സംഭവം ഫോണിൽ ചിത്രീകരിക്കുന്നത് കണ്ട് പ്രകോപിതനായ പ്രതി കത്തി കൊണ്ട് പരാതിക്കാരിയുടെ കൈക്ക് വെട്ടുകയും പരിക്കു പറ്റിയ പരാതിക്കാരിയെ 13 ന് ഉച്ചയ്ക്ക് 1.30 മണിക്ക് പ്രതി ചീത്തവിളിച്ച് കൊല്ലുമെന്ന് ഭീഷണിപ്പെടുത്തുകയും ചെയ്തുവെന്ന പരാതിയിലാണ് പോലീസ് കേസെടുത്തത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.