പയ്യന്നൂർ: ഓപ്പറേഷൻ തൂഫാൻ്റെ ഭാഗമായി പയ്യന്നൂർ പോലീസും റൂറൽ ജില്ലാ പോലീസ് മേധാവിയുടെ ഡാൻസാഫ് സ്ക്വാഡും ചേർന്ന് ജ്യോതിഷാലയത്തിൽനടത്തിയ റെയ്ഡിൽ കഞ്ചാവുമായി ജ്യോതിഷിയെ പിടികൂടി കേസെടുത്തു. പയ്യന്നൂർ
പഴയ ബസ് സ്റ്റാൻഡിന് സമീപം പ്രവർത്തിക്കുന്ന ജ്യോതിഷാലയം നടത്തുന്ന കാങ്കോൽ വടശ്ശേരിയിലെ പെരികമന ഇല്ലത്തെ പി. ശ്രീനാഥിനെ (40) യാണ് പയ്യന്നൂർ എസ്. ഐ. പി. വി. അനുശ്രീയും സംഘവും ഡാൻസാഫ് സ്ക്വാഡും ചേർന്ന് പിടികൂടിയത്. ജ്യോതിഷാലയത്തിൽ കഞ്ചാവ് സൂക്ഷിച്ചിട്ടുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ ഇന്നലെ വൈകുന്നേരമായിരുന്നു റെയ്ഡ്.
കെട്ടിടത്തിന്റെ താഴത്തെ നിലയിലുള്ള മുറിയിലെ ചുമർ അലമാരയിൽ പ്ലാസ്റ്റിക് കവറിലാക്കി സൂക്ഷിച്ച നിലയിലാണ് 5.77 ഗ്രാം കഞ്ചാവ് പോലീസ് സംഘം കണ്ടെത്തിയത്. കഞ്ചാവ് കസ്റ്റഡിയിലെടുത്ത പോലീസ് പ്രതിക്കെതിരെ കേസെടുത്തു. പോലീസ് സംഘത്തിൽ സീനിയർ സിവിൽ പോലീസ് ഓഫീസർ ഏ. ജി. അബ്ദുൽ ജബ്ബാർ, ഡാൻസാഫ് സ്ക്വാഡ് അംഗങ്ങളായ ബിനീഷ്, ശ്രീജിത്ത്, സജിത്ത്, നിശാന്ത്, ഗിരീഷ് എന്നിവരും ഉണ്ടായിരുന്നു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.