ചെക്കിക്കുളത്ത് വോട്ട് ചെയ്ത് മടങ്ങുന്നതിനിടെ വോട്ടർ കുഴഞ്ഞുവീണ് മരിച്ചു

ചെക്കിക്കുളം: തിരഞ്ഞെടുപ്പ് ദിനത്തിൽ വോട്ട് രേഖപ്പെടുത്തി മടങ്ങുകയായിരുന്ന ഗൃഹനാഥൻ കുഴഞ്ഞുവീണ് മരിച്ചു. മാണിയൂർ പാറാൽ കുണ്ടലക്കണ്ടി ചാളവളപ്പിൽ താമസിക്കുന്ന എ. അബ്ദുൾ ഖാദർ (59) ആണ് മരിച്ചത്.

ഇന്നലെ (വ്യാഴാഴ്ച) ഉച്ചയ്ക്ക് ശേഷമായിരുന്നു ദാരുണമായ സംഭവം. ചെക്കിക്കുളം രാധാകൃഷ്ണൻ എ.യു.പി സ്കൂളിലെ 204-ാം നമ്പർ ബൂത്തിൽ നിന്നും സമ്മതിദാനാവകാശം വിനിയോഗിച്ച് മടങ്ങുന്നതിനിടെ ദേഹാസ്വാസ്ഥ്യം അനുഭവപ്പെട്ട് ഇദ്ദേഹം കുഴഞ്ഞുവീഴുകയായിരുന്നു.