കണ്ണൂർ: ഈ വർഷത്തെ ഹജ്ജ് തീർത്ഥാടനത്തിന് തയ്യാറെടുക്കുന്നവർക്കായി സമസ്ത കേരള ജംഇയ്യത്തുൽ ഉലമ കണ്ണൂർ ജില്ലാ കമ്മിറ്റിയുടെ നേതൃത്വത്തിൽ ഹജ്ജ് പഠനക്യാമ്പ് സംഘടിപ്പിച്ചു. ക്യാമ്പിൽ ഹജ്ജിന്റെ കർമ്മങ്ങളെക്കുറിച്ചും അനുഷ്ഠാനങ്ങളെക്കുറിച്ചും മറ്റ് സുപ്രധാന വിവരങ്ങളെക്കുറിച്ചും പണ്ഡിതർ വിശദമായ ക്ലാസുകൾ നൽകി.
പഠനക്യാമ്പിന്റെ ഉദ്ഘാടനം സമസ്ത ട്രഷറർ പി.പി. ഉമർ മുസല്യാർ നിർവ്വഹിച്ചു. സമസ്ത ജില്ലാ ഉപാധ്യക്ഷൻ ഉമർകോയ തങ്ങൾ ചടങ്ങിൽ അധ്യക്ഷത വഹിച്ചു.
സമസ്ത സെക്രട്ടറി മാണിയൂർ അബ്ദുറഹ്മാൻ ഫൈസി, കെ. മുഹമ്മദ് ശരീഫ് ബാഖവി വേശാല, കെ.കെ. മുഹമ്മദ് ദാരിമി അരിയിൽ, കെ. അബൂബക്കർ ബാഖവി കമ്പിൽ, ഇ.കെ. അഹമ്മദ് ബാഖവി ഇരിക്കൂർ, സി. അബ്ദുറഹ്മാൻ ഫൈസി തടിക്കടവ്, ടി.വി. അഹമ്മദ് ദാരിമി ചെറുപുഴ തുടങ്ങിയ പ്രമുഖ പണ്ഡിതർ ക്യാമ്പിൽ പ്രസംഗിച്ചു. നിരവധി തീർത്ഥാടകർ ക്യാമ്പിൽ പങ്കെടുത്തു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.