മയ്യിൽ: പരിസ്ഥിതി സംരക്ഷണത്തിനും ഗ്രാമീണ വികസനത്തിനും ഊന്നൽ നൽകിക്കൊണ്ട് മയ്യിൽ ഗ്രാമപഞ്ചായത്തിൽ ‘മുളഗ്രാമം’ പദ്ധതിക്ക് തുടക്കമായി. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയും മയ്യിൽ കൃഷിഭവനും സംയുക്തമായാണ് ഈ പരിസ്ഥിതി സൗഹൃദ പദ്ധതി നടപ്പിലാക്കുന്നത്.
മയ്യിൽ ഗ്രാമപഞ്ചായത്തിലെ രണ്ടാം വാർഡായ കണ്ടക്കെ കടവിലെ പൊതുഭൂമിയിൽ മുളത്തൈകൾ നട്ടുപിടിപ്പിച്ചുകൊണ്ട് ഗ്രാമപഞ്ചായത്ത് പ്രസിഡന്റ് വിനോദ് കുമാർ പദ്ധതിയുടെ ഉദ്ഘാടനം നിർവഹിച്ചു. പുഴയോര സംരക്ഷണത്തിനും മണ്ണൊലിപ്പ് തടയാനും മുളകൾ വെച്ചുപിടിപ്പിക്കുന്നത് വലിയ രീതിയിൽ സഹായിക്കുമെന്ന് അധികൃതർ വ്യക്തമാക്കി.
വികസനകാര്യ സ്റ്റാൻഡിങ് കമ്മിറ്റി ചെയർമാൻ ബാലകൃഷ്ണൻ, വാർഡ് മെമ്പർമാരായ സൈമാബീ, വാണി ദേവി എന്നിവർ ചടങ്ങിൽ സംബന്ധിച്ചു. കൂടാതെ തൊഴിലുറപ്പ് തൊഴിലാളികൾ, നാട്ടുകാർ, വിവിധ വകുപ്പ് ഉദ്യോഗസ്ഥർ തുടങ്ങിയവരും ഈ പ്രകൃതി സംരക്ഷണ കൂട്ടായ്മയിൽ പങ്കുചേർന്നു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.