മയ്യിൽ : കേരളത്തിന്റെ സമഗ്രവികസനത്തെ അട്ടിമറിക്കാൻ ലക്ഷ്യമിട്ട് സംസ്ഥാനത്തിന് അർഹമായി നൽകേണ്ട വിഹിതം വിവേചനപരമായി തടഞ്ഞുവെക്കുന്ന കേന്ദ്രസർക്കാർ നടപടി അവസാനിപ്പിക്കണമെന്ന് കെ.എസ്.ടി.എ. തളിപ്പറമ്പ് സൗത്ത് ഉപജില്ലാ സമ്മേളനം ആവശ്യപ്പെട്ടു.
പറശ്ശിനിക്കടവ് ഹയർ സെക്കൻഡറി സ്കൂളിൽ നടന്ന സമ്മേളനം കെ.എസ്.ടി.എ. സംസ്ഥാന സെക്രട്ടറി കെ.കെ. ബദറുന്നിസ ഉദ്ഘാടനംചെയ്തു.
ജില്ലാ ജോ. സെക്രട്ടറി എസ്.പി. രമേശൻ സംഘടനാ റിപ്പോർട്ട് അവതരിപ്പിച്ചു. ഉപജില്ലാ പ്രസിഡന്റ് പി. പ്രദീഷ് അധ്യക്ഷതവഹിച്ചു.
സംസ്ഥാന വൈസ് പ്രസിഡന്റ് കെ.സി. മഹേഷ്, സംസ്ഥാന കമ്മിറ്റിയംഗം കെ.സി. സുനിൽ, പി.പി. സുരേഷ് ബാബു, കെ.കെ. വിനോദ് കുമാർ, എം.വി. സുനിത, ടി. രാജേഷ്, കെ.കെ. പ്രസാദ്, സംഘാടകസമിതി ചെയർമാൻ എം.വി. ജനാർദനൻ, സി. വിനോദ്, പി. ബൈജുലാൽ, പി.സി. സജേഷ് എന്നിവർ സംസാരിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.