ഗുവാഹത്തി: ന്യൂസിലൻഡിനെതിരായ മൂന്നാം ടി20യിൽ എട്ട് വിക്കറ്റിന്റെ തകർപ്പൻ ജയത്തോടെ ഇന്ത്യ പരമ്പര സ്വന്തമാക്കി. അഭിഷേക് ശർമ്മയുടെ വെടിക്കെട്ട് ബാറ്റിംഗാണ് കിവീസ് ഉയർത്തിയ 154 റൺസ് ലക്ഷ്യം വെറും 10 ഓവറിൽ മറികടക്കാൻ ഇന്ത്യയെ സഹായിച്ചത്. വെറും 14 പന്തിൽ അർധസെഞ്ചുറി തികച്ച അഭിഷേക്, ടി20യിൽ വേഗത്തിൽ അർധസെഞ്ചുറി നേടുന്ന രണ്ടാമത്തെ ഇന്ത്യൻ താരമെന്ന റെക്കോർഡും സ്വന്തമാക്കി.
• അഭിഷേക് ശർമ്മ (20 പന്തിൽ പുറത്താവാതെ 68), ക്യാപ്റ്റൻ സൂര്യകുമാർ യാദവ് (26 പന്തിൽ 57*) എന്നിവർ ചേർന്നാണ് ഇന്ത്യൻ വിജയം അനായാസമാക്കിയത്. എന്നാൽ, മലയാളി താരം സഞ്ജു സാംസൺ നേരിട്ട ആദ്യ പന്തിൽ തന്നെ പുറത്തായി (ഗോൾഡൻ ഡെക്ക്) വീണ്ടും നിരാശപ്പെടുത്തി. മാറ്റ് ഹെന്റിയുടെ പന്തിൽ വിക്കറ്റിന് മുന്നിൽ കുടുങ്ങിയാണ് സഞ്ജു മടങ്ങിയത്. ഇഷാൻ കിഷൻ 13 പന്തിൽ 28 റൺസെടുത്തു.
• നേരത്തെ ആദ്യം ബാറ്റ് ചെയ്ത ന്യൂസിലൻഡ് ഒമ്പത് വിക്കറ്റ് നഷ്ടത്തിൽ 153 റൺസാണ് നേടിയത്. മൂന്ന് വിക്കറ്റ് വീഴ്ത്തിയ ജസ്പ്രീത് ബുമ്രയാണ് കിവീസ് ബാറ്റിംഗ് നിരയുടെ നട്ടെല്ലൊടിച്ചത്. രവി ബിഷ്ണോയ്, ഹാർദിക് പാണ്ഡ്യ എന്നിവർ രണ്ട് വിക്കറ്റ് വീതം വീഴ്ത്തി. ഗ്ലെൻ ഫിലിപ്സാണ് (48) സന്ദർശകരുടെ ടോപ് സ്കോറർ.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.