കണ്ണാടിപറമ്പ് : കല്യാശ്ശേരി ബ്ലോക്ക് പഞ്ചായത്ത് കേരളോത്സവത്തിൽ തുടർച്ചയായ മൂന്നാം വർഷവും മികച്ച യൂത്ത് ക്ലബ്ബായി തിരഞ്ഞെടുക്കപ്പെട്ട് ചെഗുവേര സെൻ്റർ കലാകായിക സാംസ്ക്കാരിക കേന്ദ്രം ഹാട്രിക് നേട്ടം കരസ്ഥമാക്കി. വിവിധ ഇനങ്ങളിൽ മികച്ച പ്രകടനം കാഴ്ചവെച്ചാണ് ഇത്തവണയും ബ്ലോക്ക് തലത്തിൽ ക്ലബ്ബ് ഒന്നാമതെത്തിയത്.
കഴിഞ്ഞ വർഷങ്ങളിലെ മികവ് ഇത്തവണയും ആവർത്തിക്കാൻ ടീം ചെഗുവേരയ്ക്കായി. ഒപ്പന, മാർഗംകളി മത്സരങ്ങളിൽ തങ്ങളുടെ കുത്തക നിലനിർത്തിയ ക്ലബ്ബ്, നാടക മത്സരത്തിലും മികച്ച പ്രകടനമാണ് പുറത്തെടുത്തത്. മുൻ വർഷങ്ങളിലേത് പോലെ തന്നെ കലാ-കായിക-സാംസ്കാരിക ഇനങ്ങളിൽ ഒരുപോലെ മികവ് പുലർത്താനായത് വലിയ നേട്ടമായി.
ഹാട്രിക് നേട്ടം കൈവരിക്കുന്നതിനായി കഠിനാധ്വാനം ചെയ്ത മുഴുവൻ താരങ്ങളെയും പ്രവർത്തകരെയും ചെഗുവേര സെൻ്റർ ഭരണസമിതി അഭിനന്ദിച്ചു. ബ്ലോക്ക് തലത്തിലെ ഈ തകർപ്പൻ വിജയത്തിന് പിന്നാലെ വരാനിരിക്കുന്ന ജില്ലാ കേരളോത്സവത്തിലും മികച്ച പ്രകടനം നടത്താനുള്ള ഊർജിതമായ തയ്യാറെടുപ്പിലാണ് ടീം ചെഗുവേര.
കണ്ണാടിപ്പറമ്പ് ഓൺലൈൻ ✍️
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.