“പൊതുമുതൽ നശിപ്പിക്കുന്ന സാമൂഹ്യവിരുദ്ധർക്കെതിരെ ജാഗ്രത! 🛑 കുറ്റ്യാട്ടൂർ പഞ്ചായത്ത് വടുവൻകുളത്ത് നിർമ്മിച്ച വനിതാ ഓപ്പൺ ജിം ഉപകരണങ്ങൾ നശിപ്പിച്ചു. കുറ്റവാളികൾക്കെതിരെ കർശന നടപടി സ്വീകരിക്കുമെന്ന് പഞ്ചായത്ത്

കണ്ണൂർ: കുറ്റ്യാട്ടൂർ ഗ്രാമപഞ്ചായത്ത് വടുവൻകുളത്ത് നിർമ്മിച്ച വനിതാ ഓപ്പൺ ജിമ്മിലെ ഉപകരണങ്ങൾ സാമൂഹ്യവിരുദ്ധർ നശിപ്പിച്ചു. പഞ്ചായത്തിന്റെ 2025-26 വാർഷിക പദ്ധതിയിൽ ഉൾപ്പെടുത്തി നിർമ്മിച്ച ജിമ്മിലെ ഉപകരണങ്ങളാണ് കട്ടിംഗ് പ്ലെയർ ഉപയോഗിച്ച് മുറിച്ചുമാറ്റിയ നിലയിൽ കണ്ടെത്തിയത്.

വനിതകളും കുട്ടികളും നിത്യേന വ്യായാമത്തിനായി ഉപയോഗിക്കുന്ന ഉപകരണങ്ങളാണ് ഇത്തരത്തിൽ നശിപ്പിക്കപ്പെട്ടത്. പൊതുമുതൽ നശിപ്പിച്ചവർക്കെതിരെ പോലീസിൽ പരാതി നൽകുമെന്നും ശക്തമായ നിയമനടപടികൾ സ്വീകരിക്കുമെന്നും പഞ്ചായത്ത് അധികൃതർ അറിയിച്ചു. പ്രദേശത്തെ ജനങ്ങൾക്കും വ്യായാമത്തിനെത്തുന്നവർക്കും ഈ സംഭവം വലിയ പ്രതിഷേധത്തിന് കാരണമായിട്ടുണ്ട്.