മലപ്പുറം: തിരഞ്ഞെടുപ്പ് വിജയാഘോഷത്തിനിടെയുണ്ടായ ദാരുണമായ അപകടത്തിൽ മുസ്ലിം ലീഗ് പ്രവർത്തകൻ മരിച്ചു. കൊണ്ടോട്ടി പെരിയമ്പലം സ്വദേശിയായ ഇർഷാദ് (29) ആണ് മരിച്ചത്.
തിരഞ്ഞെടുപ്പ് ഫലപ്രഖ്യാപനത്തിന് പിന്നാലെ യു.ഡി.എഫ്. പ്രവർത്തകർ നടത്തിയ ആഹ്ലാദ പ്രകടനത്തിനിടെയാണ് അപകടം ഉണ്ടായത്. ആഘോഷത്തിന്റെ ഭാഗമായി മറ്റുള്ളവർക്ക് പടക്കം നൽകുന്നതിനിടെ, ഇർഷാദിന്റെ സ്കൂട്ടറിന് മുന്നിൽ വച്ചിരുന്ന പടക്കത്തിലേക്ക് തീപ്പൊരി വീണു. തുടർന്ന് ഉണ്ടായ ശക്തമായ പൊട്ടിത്തെറിയിലാണ് അപകടം സംഭവിച്ചത്.
പൊട്ടിത്തെറിയിൽ ഗുരുതരമായി പരിക്കേറ്റ ഇർഷാദ് സംഭവസ്ഥലത്ത് തന്നെ തത്ക്ഷണം മരണമടഞ്ഞു. ആഹ്ലാദം ദുഃഖമായി മാറിയ സംഭവത്തിൽ പ്രദേശത്ത് വലിയ ഞെട്ടലാണ് ഉണ്ടായിരിക്കുന്നത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.