🚨 നാറാത്ത് പഞ്ചായത്തിൽ പോളിംഗ് തടസ്സപ്പെട്ടു: ഇ.വി.എം. തകരാറിനെ തുടർന്ന് ഓണപ്പറമ്പ് ബൂത്തിൽ വോട്ടെടുപ്പ് താൽക്കാലികമായി തടസ്സപ്പെട്ടത്

നാറാത്ത്: തദ്ദേശ സ്വയംഭരണ തിരഞ്ഞെടുപ്പ് നടക്കുന്ന നാറാത്ത് ഗ്രാമപഞ്ചായത്തിലെ ഒരു ബൂത്തിൽ വോട്ടിംഗ് യന്ത്രം തകരാറിലായതിനെ തുടർന്ന് പോളിംഗ് തടസ്സപ്പെട്ടു. മൂന്നാം വാർഡ് ഓണപ്പറമ്പിലെ പോളിംഗ് സ്റ്റേഷൻ നമ്പർ 1 (നാറാത്ത് ശ്രീ പുതിയ ഭഗവതി ക്ഷേത്രം ഓഡിറ്റോറിയം) ആണ് സാങ്കേതിക തകരാർ മൂലം പോളിംഗ് നിർത്തിവെച്ചിരിക്കുന്നത്.

അരമണിക്കൂറിലധികമായി ഇവിടെ വോട്ടെടുപ്പ് നടക്കുന്നില്ല. രാവിലെ 10.30ഓടെ ബൂത്തിൽ 30% വോട്ട് രേഖപ്പെടുത്തിയിരുന്നു.

സാങ്കേതിക തകരാർ പരിഹരിക്കുന്നതിനായി ഉദ്യോഗസ്ഥർ നടപടികൾ ആരംഭിച്ചു. എത്രയും പെട്ടെന്ന് തന്നെ തകരാർ പരിഹരിച്ച് വോട്ടിങ് പുനരാരംഭിക്കാൻ ആകുമെന്ന് അധികൃതർ അറിയിച്ചു.