നാറാത്ത്:
നാറാത്ത് പാമ്പുരുത്തി റോഡ് ബസ്സ്റ്റോപ്പിന് സമീപം കെ.വി. സുമേഷ് എം.എൽ.എയുടെ പ്രാദേശിക വികസന ഫണ്ട് ഉപയോഗിച്ച് സ്ഥാപിച്ച ഹൈമാസ് ലൈറ്റിന് തടസ്സമുണ്ടാക്കിയ മരക്കൊമ്പുകൾ മുറിച്ചു നീക്കി. DYFI മടത്തിക്കൊവ്വൽ യൂണിറ്റിന്റെ സജീവമായ ഇടപെടലാണ് ഈ വിഷയത്തിൽ വിജയകരമായ നടപടിക്ക് വഴിയൊരുക്കിയത്.
രാത്രികാലങ്ങളിൽ പ്രദേശവാസികൾക്കും യാത്രക്കാർക്കും വെളിച്ചം ലഭിക്കുന്നതിന് തടസ്സമായി മരക്കൊമ്പുകൾ വളർന്നിരുന്നത് ശ്രദ്ധയിൽപ്പെട്ടതിനെ തുടർന്ന് DYFI യൂണിറ്റ് അധികാരികൾക്ക് പരാതി നൽകിയിരുന്നു. ഈ വിഷയത്തിൽ പി.ഡബ്ല്യു.ഡി.ക്കും പഞ്ചായത്തിനും നേതൃത്വത്തിന്റെ ഭാഗത്തുനിന്ന് പരാതി നൽകിയിരുന്നു.
ഈ പരാതിയുടെ അടിസ്ഥാനത്തിലാണ് ഇപ്പോൾ മരക്കൊമ്പുകൾ മുറിച്ചു നീക്കിയത്. ഇതോടെ ഹൈമാസ് ലൈറ്റിന്റെ വെളിച്ചം പൂർണ്ണമായും ബസ്സ്റ്റോപ്പ് പരിസരത്തും റോഡിലും ലഭ്യമായി തുടങ്ങി. DYFI യൂണിറ്റിന്റെ സമയബന്ധിതമായ ഇടപെടലിന് പ്രദേശവാസികൾ അഭിനന്ദനം അറിയിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.