മയ്യില്‍: സംസ്ഥാനത്തെ മികച്ച ഗ്രാമീണ ലൈബ്രേറിയന്‍മാര്‍ക്കുള്ള ഐ.വി.ദാസ് പുരസ്‌കാരം എന്‍.അജിതക്ക് ലഭിച്ചു. കേരള സ്റ്റേറ്റ് ലൈബ്രറി കൗണ്‍സില്‍ അസ്സോസിയേഷനാണ് പതിനായിരം രൂപയും പ്രശസ്തി പത്രവുമടങ്ങുന്ന പുരസ്‌കാരം ഏര്‍പ്പെടുത്തിയത്. . ഇരുപത് വര്‍ഷമായി സഫ്ദര്‍ ഹാശ്മി ഗ്രന്ഥാലയത്തിലെ ലൈബ്രേറിയനാണ്. കടലാസ് രഹിത പുസ്തക വിതരണം, ഓണ്‍ലൈന്‍ കാറ്റലോഗിങ്ങ്, വായനചാലഞ്ച്, പെണ്‍വായന, പുസ്തകങ്ങള്‍ വിദ്യാലയത്തിലേക്ക്, പുസ്തക സംവാദങ്ങള്‍ ഉള്‍പ്പെടെയുള്ളവ പരിഗണിച്ചാണ് പുരസ്‌കാരം ലഭിച്ചത്. ജൂലൈ 13-ന് വായനശാലയില്‍ നടക്കുന്ന പരിപാടിയില്‍ പുരസ്‌കാരം സമ്മാനിക്കും.
