കണ്ണൂർ: രണ്ട് ദിവസങ്ങളിലായി നടന്ന ബ്രഹ്മസ്ഥാന ക്ഷേത്ര വാർഷിക മഹോത്സവം സമാപിച്ചു. ഇന്നലെ രാവിലെ 5 മണിക്ക് മഹാഗണപതി ഹോമത്തോടെ രണ്ടാം ദിവസത്തെ ഉത്സവത്തിനു തുടക്കമായി. തുടർന്ന് ബ്രഹ്മചാരി രതീഷിന്റെ കാർമികത്വത്തിൽ ശിവശക്തി ഹോമം, മഹാസുദർശന ഹോമം, നവകം, പഞ്ചഗവ്യം, കലശാഭിഷേകം തുടങ്ങിയ പൂജകളും നടന്നു.
രാവിലെ 10 മണിക്ക് സ്വാമി ജ്ഞാനാമൃതാനന്ദപുരിയുടെ അനുഗ്രഹ പ്രഭാഷണം, നിർദ്ധന വിദ്യാത്ഥികൾക്കുള്ള പഠനോപകരണ വിതരണവും നടന്നു. തുടർന്ന് മഠാധിപതി സ്വാമി അമൃത കൃപാനന്ദപുരിയുടെ നേതൃത്വത്തിൽ ഭക്തി ഗാനസുധയും അമൃത പ്രസാദ വിതരണവും നടന്നു. ഉച്ചക്ക് 2.30 മുതൽ വിവിധ കലാപരിപാടികളും നൃത്തനൃത്യങ്ങളും അരങ്ങേറി.
വൈകീട്ട് 6 മണിയോട് കൂടി ആഘോഷം സമാപിച്ചു. ജില്ലയിലെ വിവിധ പ്രദേശങ്ങളിലെ ഭക്ത ജനങ്ങളുടെ സാന്നിദ്ധ്യം ശ്രദ്ധേയമായി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.