മാടായി പഞ്ചായത്തിന്റെ ജനവിരുദ്ധ നയങ്ങൾക്കെതിരെ ജനകീയ മാർച്ച്‌

(കമാൽ റഫീഖ് )

പഴയങ്ങാടി : പതിറ്റാണ്ടുകളായി യു ഡി എഫ് ഭരിക്കുന്ന മാടായി പഞ്ചായത്ത്‌ ഭരണസമിതിയുടെ ജനവിരുദ്ധ നയങ്ങൾക്കെതിരെ സി പി ഐ എം മാടായി ലോക്കൽ കമ്മിറ്റിയുടെ നേതൃത്വത്തിൽ ഓഗസ്റ് 29വ്യാഴാഴ്ച രാവിലെ പത്ത് മണിക്ക് ജനകീയ മാർച്ച്‌ നടത്തുന്നു.

കാലങ്ങളായി പൊട്ടിപൊളിഞ്ഞ റോഡുകൾ ഗതാഗത യോഗ്യമാക്കുക എം എൽ എ അനുവദിച്ച ഹൈമാസ്‌ ലൈറ്റുകൾ സ്ഥാപിക്കാൻ അനുമതി നൽകുക വെള്ളക്കെട്ടുകൾക്ക് ശാശ്വത പരിഹാരം കാണുക സമഗ്ര ശുചിത്വ പദ്ധതി നടപ്പിലാക്കുക തൊഴിലുറപ്പ് പദ്ധതിയോട് കാണിക്കുന്ന കടുത്ത അവഗണന അവസാനിപ്പിക്കുക യഥാസമയം CRZ ൽ ഇളവ് നേടിയെടുക്കാൻ കഴിയാത്ത പഞ്ചായത്തിന്റ അനാസ്ഥക്കെതിരെയുമാണ് ബഹുജന മാർച്ച്‌ നടത്തുന്നത് രാവിലെ പത്ത് മണിക്ക് ബീവി റോഡിൽ നിന്നാണ് മാർച്ച്‌ തുടങ്ങുക.