കണ്ണൂർ: സി.പി.ഐ.എമ്മിന്റെ കണ്ണൂരിലെ മുതിർന്ന നേതാവും സി.ഐ.ടി.യു. സംസ്ഥാന സെക്രട്ടറിയും മുൻ സംസ്ഥാന കമ്മിറ്റി അംഗവുമായ കെ.പി. സഹദേവൻ (84) നിര്യാതനായി. വാർധക്യസഹജമായ അസുഖങ്ങളെ തുടർന്ന് കണ്ണൂർ എ.കെ.ജി. ആശുപത്രിയിൽ ചികിത്സയിലായിരുന്നു. സി.ഐ.ടി.യു. അഖിലേന്ത്യാ വർക്കിംഗ് കമ്മിറ്റിയംഗം, ബീഡി ആൻഡ് സിഗാർ വർക്കേഴ്‌സ് ഫെഡറേഷൻ സംസ്ഥാന സെക്രട്ടറി, അഖിലേന്ത്യാ വൈസ് പ്രസിഡന്റ് എന്നീ നിലകളിലും അദ്ദേഹം പ്രവർത്തിച്ചിട്ടുണ്ട്. 2006ൽ കണ്ണൂർ നിയമസഭാ മണ്ഡലത്തിലെ എൽ.ഡി.എഫ്. സ്ഥാനാർത്ഥിയായിരുന്നു.
പൊതുദർശനവും സംസ്കാരവും:
മൃതദേഹം വെള്ളിയാഴ്ച വൈകിട്ട് 4 മണിവരെ കണ്ണൂർ എ.കെ.ജി. ആശുപത്രിയിലും തുടർന്ന് കക്കാട് തുളിച്ചേരി കോർജാൻ സ്‌കൂളിന് പിന്നിലുള്ള വസതിയിലും പൊതുദർശനത്തിന് വെച്ചു. ശനിയാഴ്ച (ഒക്ടോബർ 24) രാവിലെ 9.00 മണി മുതൽ സി.പി.ഐ.എം. ജില്ലാ കമ്മിറ്റി ഓഫീസായ അഴീക്കോടൻ മന്ദിരത്തിലും, വൈകുന്നേരം 3.00 മണി മുതൽ സി.ഐ.ടി.യു. ജില്ലാ കമ്മിറ്റി ഓഫീസിലും പൊതുദർശനം ഉണ്ടായിരിക്കുന്നതാണ്. തുടർന്ന് വൈകുന്നേരം 4.00 മണിക്ക് പയ്യാമ്പലത്ത് ഔദ്യോഗിക ബഹുമതികളോടെ സംസ്കാരം നടക്കും.
കണ്ണൂരിൽ നാളെ ഹർത്താൽ:
കെ.പി. സഹദേവന്റെ വേർപാടിൽ ആദരസൂചകമായി കണ്ണൂർ പട്ടണത്തിൽ (പഴയ മുൻസിപ്പാലിറ്റി പരിധിയിൽ) നാളെ (24.10.2026) വൈകുന്നേരം 4 മണിവരെ ഹർത്താൽ ആചരിക്കാൻ തീരുമാനിച്ചു. ഹോട്ടലുകൾ, വാഹനങ്ങൾ, മറ്റ് അവശ്യ സർവീസുകൾ എന്നിവയെ ഹർത്താലിൽ നിന്ന് ഒഴിവാക്കിയിട്ടുണ്ട്. ഹർത്താലുമായി മുഴുവൻ ആളുകളും സഹകരിക്കണമെന്ന് സി.പി.ഐ.എം. ജില്ലാ സെക്രട്ടറി കെ.കെ. രാഗേഷ് അഭ്യർത്ഥിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.