മലപ്പുറം: വരാനിരിക്കുന്ന നിയമസഭാ തിരഞ്ഞെടുപ്പിൽ യു.ഡി.എഫിൽ കൂടുതൽ സീറ്റുകൾക്ക് മുസ്ലിം ലീഗിന് അർഹതയുണ്ടെന്ന് സംസ്ഥാന പ്രസിഡന്റ് പാണക്കാട് സാദിഖലി ശിഹാബ് തങ്ങൾ. മുന്നണി യോഗത്തിൽ ഇക്കാര്യം ഔദ്യോഗികമായി ആവശ്യപ്പെടും. കോട്ടയം ഉൾപ്പെടെയുള്ള പുതിയ ജില്ലകളിൽ മത്സരിക്കാൻ പാർട്ടിക്ക് താല്പര്യമുണ്ടെന്നും അദ്ദേഹം വ്യക്തമാക്കി.
പ്രധാന പ്രഖ്യാപനങ്ങൾ:
• വനിതാ പ്രാതിനിധ്യം: ഇത്തവണ ലീഗ് സ്ഥാനാർത്ഥി പട്ടികയിൽ വനിതാ സ്ഥാനാർത്ഥിയുണ്ടാകും.
• മുന്നണി വിപുലീകരണം: കേരള കോൺഗ്രസ് (മാണി) വിഭാഗത്തെ യു.ഡി.എഫിലേക്ക് തിരികെ എത്തിക്കാനുള്ള നീക്കങ്ങൾ തുടരുകയാണ്. അവരുടെ മനസ്സ് യു.ഡി.എഫിനൊപ്പമാണ്.
• സീറ്റ് വെച്ചുമാറൽ: ചില സിറ്റിംഗ് സീറ്റുകൾ വെച്ചുമാറണമെന്ന് അണികൾക്ക് ആഗ്രഹമുണ്ട്. ഇക്കാര്യം ചർച്ചകളിൽ ഉന്നയിക്കും. എന്നാൽ എല്ലാ സിറ്റിംഗ് എം.എൽ.എമാരും വീണ്ടും മത്സരിക്കുമോ എന്ന് ഇപ്പോൾ പറയാനാകില്ല.
• നേതൃത്വം: പി.കെ. കുഞ്ഞാലിക്കുട്ടി തന്നെ തിരഞ്ഞെടുപ്പിൽ ലീഗിനെ നയിക്കും. മുഖ്യമന്ത്രി സ്ഥാനാർത്ഥി ആരാകണമെന്ന് കോൺഗ്രസ് തീരുമാനിക്കട്ടെ, അതിൽ ലീഗ് ഇടപെടില്ല.
വോട്ട് രാഷ്ട്രീയം:
വെൽഫെയർ പാർട്ടിയുമായി മുന്നണി ബന്ധമില്ല. എന്നാൽ വോട്ട് വേണ്ടെന്ന് പറയില്ലെന്നും തങ്ങൾ കൂട്ടിച്ചേർത്തു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.