എടക്കാട്: എടക്കാട് ബ്ലോക്ക് പഞ്ചായത്ത് പ്രസിഡന്റ് തിരഞ്ഞെടുപ്പിന് പിന്നാലെ നടന്ന വൈസ് പ്രസിഡന്റ് തിരഞ്ഞെടുപ്പിലും എൽ.ഡി.എഫിന് മിന്നും വിജയം. എൽ.ഡി.എഫിലെ ഇ. ബിന്ദു നറുക്കെടുപ്പിലൂടെ വൈസ് പ്രസിഡന്റായി തിരഞ്ഞെടുക്കപ്പെട്ടു.
ഭാഗ്യം തുണച്ച എൽ.ഡി.എഫ്:
ബ്ലോക്ക് പഞ്ചായത്തിൽ എൽ.ഡി.എഫും യു.ഡി.എഫും ഏഴ് സീറ്റുകൾ വീതം നേടി (7-7) തുല്യനിലയിലായതോടെയാണ് വൈസ് പ്രസിഡന്റ് തിരഞ്ഞെടുപ്പിലും നറുക്കെടുപ്പ് വേണ്ടിവന്നത്. നേരത്തെ നടന്ന പ്രസിഡന്റ് തിരഞ്ഞെടുപ്പിലും നറുക്കെടുപ്പിലൂടെ എൽ.ഡി.എഫിലെ കെ.വി. ബിജു വിജയിച്ചിരുന്നു. ഇതിന് പിന്നാലെ വൈസ് പ്രസിഡന്റ് തിരഞ്ഞെടുപ്പിലും നറുക്കെടുപ്പിൽ ഭാഗ്യം എൽ.ഡി.എഫിനെ തന്നെ തുണയ്ക്കുകയായിരുന്നു.
രണ്ട് പ്രധാന സ്ഥാനങ്ങളും നറുക്കെടുപ്പിലൂടെ എൽ.ഡി.എഫ് നേടിയത് പ്രവർത്തകർ വലിയ ആവേശത്തോടെയാണ് ആഘോഷിക്കുന്നത്. പുതിയ പ്രസിഡന്റും വൈസ് പ്രസിഡന്റും വരണാധികാരി മുൻപാകെ സത്യപ്രതിജ്ഞ ചെയ്ത് അധികാരമേറ്റു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.