🥇 വ്യാപാരികളുടെ മക്കൾക്ക് ഉപഹാരവും ക്യാഷ് അവാർഡും നൽകി ആദരം 

പുതിയതെരു:  2024-25 വർഷത്തെ എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയവരും കണ്ണൂർ യൂണിവേഴ്സിറ്റിയിൽ നിന്നും എം ബി എ ക്ക് ഒന്നാം റാങ്ക് കരസ്ഥമാക്കുകയും ചെയ്ത വ്യാപാരികളുടെ മക്കൾക്ക് കേരള വ്യാപാരി വ്യവസായി ഏകോപന സമിതി പുതിയതെരു യൂണിറ്റ് ഉപഹാരവും ക്യാഷ് അവാർഡും നൽകി ആദരിച്ചു. പുതിയതെരു വ്യാപാര ഭവനിൽ വെച്ച് നടന്ന ചടങ്ങിൽ യൂണിറ്റ് വൈസ് പ്രസിഡണ്ട് ടി വി തമ്പാൻ അധ്യക്ഷത വഹിച്ചു. പ്രമുഖ കവിയും സംഗീതജ്ഞനുമായ ഡോക്ടർ എസ് പ്രശാന്ത്‌ കൃഷ്ണൻ പരിപാടി ഉദ്ഘാടനം ചെയ്തു. യൂണിറ്റ് വൈസ് പ്രസിഡന്റുമാരായ കെ സുരേഷ്, പി എം അമീർ, യൂത്ത് വിംഗ് പ്രസിഡണ്ട് സി എൻ മെഹറൂഫ്, കെ സന്തോഷ്, സതീശൻ, പി കെ റിയാദ്, കെ രാകേഷ്, ബാബു, കമറുദ്ദീൻ തുടങ്ങിയവർ സംബന്ധിച്ചു. യൂണിറ്റ് ജനറൽ സെക്രട്ടറി പി എം അബ്ദുൽ മനാഫ് സ്വാഗതവും ട്രഷറർ സി രവീന്ദ്രൻ നന്ദിയും പറഞ്ഞു.