ഓണത്തിന് ഒരുകൊട്ടപ്പൂവ്; നാറാത്ത് പഞ്ചായത്ത് തല വിളവെടുപ്പ് ഉദ്ഘാടനം

നാറാത്ത് ഗ്രാമപഞ്ചായത്ത് കൃഷിഭവൻ ഓണത്തിന് ഒരുകൊട്ടപ്പൂവ് പദ്ധതിയുടെ പഞ്ചായത്ത് തല വിളവെടുപ്പ് ഉദ്ഘാടനം വാർഡ് മെമ്പർ ശ്രീമതി. ഷീബ കെ. പി യുടെ അധ്യക്ഷതയിൽ പഞ്ചായത്ത് പ്രസിഡൻ്റ് കെ. രമേശൻ നിർവ്വഹിച്ചു . കൃഷി ഓഫീസർ അനുഷ അൻവർ പദ്ധതി വിശദീകരിച്ചു .വാർഡ് മെമ്പർ പി കെ ജയകുമാർ, സി ഡി എസ് ചെയർപേഴ്സൺ ഷീജ, എ ഡി എസ് മെമ്പർമാർ , കർഷകർ എന്നിവർ പങ്കെടുത്തു. കൃഷി അസിസ്റ്റൻ്റ് സന്ധ്യ ജയറാം സ്വാഗതവും, സുധീഷ് എം. ചടങ്ങിന് നന്ദിയും പറഞ്ഞു. മാതോടം ഒൻപതാം വാർഡിലെ ദിലീപ് കുമാർ എന്ന യുവ കർഷകനാണ് ജില്ലാ പഞ്ചായത്ത് ഓണത്തിന് ഒരുകൊട്ടപ്പൂവ് പദ്ധതി പ്രകാരം 1000 മല്ലികതൈ കൃഷി നടത്തിയത്.