ആക്രി കടയിൽ തീപ്പിടുത്തം ലക്ഷങ്ങളുടെ നാശനഷ്ടം.

കണ്ണൂർ : ആക്രി കടയിൽ തീപ്പിടുത്തം ലക്ഷങ്ങളുടെ നാശനഷ്ടം. ഇന്ന് പുലർച്ചെ 2.30 മണിയോടെ കക്കാട് റോഡിൽ മെട്ടമ്മലിലാണ് സംഭവം. കക്കാട് മെട്ടമ്മലിലെബാലൻ്റെ ഉടമസ്ഥതയിലുള്ള ആക്രി കടയിലാണ് തീപിടുത്തമുണ്ടായത്.തീപടരുന്നത് കണ്ട് ഉറക്കമുണർന്ന് ഓടിയെത്തിയ ആക്രി കടയിലെ തൊഴിലാളിഗണേശനാണ് ഫയർഫോഴ്സിലും പോലീസിലും വിവരമറിയിച്ചത്. വിവരമറിഞ്ഞ് കണ്ണൂർ ഫയർസ്റ്റേഷനിൽ നിന്നും സ്റ്റേഷൻ ഓഫീസർ കെ വി ലക്ഷ്മണൻ്റെ നേതൃത്വത്തിൽ അസി. സ്റ്റേഷൻ ഓഫീസർ കെ. പുരുഷോത്തമനും സംഘവും മൂന്ന് യൂണിറ്റ് ഫയർഎഞ്ചിൻ്റെ സഹായത്തോടെയാണ് രണ്ട് മണിക്കൂറുകളോളം നേരത്തെ ശ്രമഫലമായി തീയണച്ചത്.400 ചതുരശ്ര മീറ്ററോളം വ്യാപിച്ചു കിടന്ന ആക്രിക്കടയിൽ സൂക്ഷിച്ചിരുന്ന മൂന്ന് ലോഡിലധികം ആക്രി സാധനങ്ങൾ പൂർണ്ണമായും കത്തിനശിച്ചു.നാല് ലക്ഷം രൂപയുടെ നാശനഷ്ടമുണ്ടായതായി കണക്കാക്കുന്നു.