കാഴ്ചവരവ് അലങ്കോലപ്പെടുത്താൻ ശ്രമം ; ചോദ്യം ചെയ്ത യുവാക്കളെ മർദിച്ചു

തളിപ്പറമ്പ്. ക്ഷേത്രോത്സവ ചടങ്ങിനിടെ കാഴ്ചവരവ് തടസപ്പെടുത്തിയത് ചോദ്യം ചെയ്ത യുവാക്കളെ മർദ്ദിച്ച 11 പേർക്കെതിരെ കേസ്.ആന്തൂർ തളിയിൽ സ്വദേശി പി.മിഥുൻ്റെ (32) പരാതിയിലാണ് ആന്തൂരിലെ സന്തോഷിൻ്റെ മകൻ അമൽ, ആദർശ്, അഭിജിത്ത്, വിനായക്, സുകേഷ്, ദിവിൻ, അശ്വന്ത്, ദീപക്, ഷെറിൻ, വിഷ്ണു, അഭിരാജ് എന്നിവർക്കെതിരെ തളിപ്പറമ്പ് പോലീസ് കേസെടുത്തത്. 24 ന് രാത്രി ആന്തൂർ കാവിൽ ഉത്സവത്തിനിടെ കാഴ്ചവരവിനെ അലങ്കോലപ്പെടുത്താൻ ശ്രമിച്ചത് ചോദ്യം ചെയ്ത വിരോധത്തിൽ പരാതിക്കാരനെയും
സുഹൃത്തുക്കളായ ആന്തൂരിലെ സാജു, സിദ്ധിഖ്, പ്രവിന്ദ് എന്നിവരെയും
കൈ കൊണ്ടും വടി കൊണ്ടും ആക്രമിക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്തതായി
പരാതിയിൽ പറയുന്നു.കേസെടുത്ത പോലീസ് അന്വേഷണം തുടങ്ങി.