വള്ളുവൻകടവ് ശ്രീ മുത്തപ്പൻ മടപ്പുര തിരുവപ്പന മഹോത്സവം വൈവിധ്യമാർന്നപരിപാടികളോടു കൂടി പുതു വർഷപ്പുലരിയിൽ ആരംഭിക്കും.
ഉത്തര മലബാറിലെ മുത്തപ്പ ക്ഷേത്രങ്ങളിൽ പ്രഥമസ്ഥാന മലങ്കരിക്കുന്ന വള്ളുവൻകടവ് ശ്രീ മുത്തപ്പൻ മടപ്പുരയിലെ ഈ വർഷത്തെതിരുവപ്പന മഹോത്സവം പുതുവർഷാരംഭത്തിൽ ജനുവരി ഒന്നു മുതൽ 8 വരെ തീയ്യതികളിൽ പൂർവ്വാധികം ഭംഗിയായി നടത്തുവാൻ തീരുമാനിച്ചു. 1 ന് രാവിലെ 7 മണിക്ക് ഉത്സവ കൊടിയേറ്റം ക്ഷേത്രം തന്ത്രി ബ്രഹ്മശ്രീ: കാട്ടമാടത്ത് എളേടത്ത് ഈശാനൻ നമ്പൂതിരപ്പാടിന്റെ മുഖ്യകാർമ്മികത്ത്വത്തിൽ നടക്കും. മുൻ കാലങ്ങളിൽ ചിലദിവസങ്ങളിൽ മാത്രം നടത്തിയിരുന്ന കലാപരിപാടികൾക്കുപകരം എല്ലാദിവസങ്ങളിലും വൈവിധ്യമാർന്നകലാപരിപാടികൾ ആസൂത്രണം ചെയ്തു. ആഘോപരിപാടികൾ വിപുലീകരിച്ചു. ജനുവരി 2 ന് രാവിലെ 10മണിക്ക് കണ്ണൂർമിംസ് ഹോസ്പിറ്റലിലെ വിദഗ്ദ ഡോക്ടർമാരുടെ നേതൃത്വത്തിൽ മെഡിക്കൽ ക്യാമ്പും ജനവരി1ന് പാരമ്പര്യ ആയുർവ്വേദവൈദ്യൻമാരുടെ മേൽനോട്ടത്തിൽ ആയുർവേദ മെഡിക്കൽക്യാമ്പും നടക്കും. കൂടാതെ ജനവരി 2 ന് അരവിന്ദ് കണ്ണാശുപത്രിയിലെ ഡോക്ടർമാർ കണ്ണ്പരിശോധിച്ച് കാഴ്ച പരിമിതിയുള്ളവർക്ക് കണ്ണട നിർദ്ദേശിച്ചാൽകണ്ണട സൗജന്യമായി വിതരണം ചെയ്യുവാൻ സംഘാടക സമിതിതീരുമാനിച്ചിട്ടുണ്ട്. കണ്ണിന് ശസ്ത്രക്രിയ ആവശ്യമായിവരുന്നവരെ അരവിന്ദ് കണ്ണാശുപത്രി,കോയമ്പത്തൂരിൽ വെച്ച് സൗജന്യമായി ശസ്ത്രക്രിയചെയ്തുകൊടുക്കുന്നതാണ്. മഹോത്സവ ദിവസം 7 ന് വൈകുന്നേരം ഗുളികൻ വെള്ളാടട്ടം, ഭഗവതി വെള്ളാട്ടം രാത്രി ഗംഭീരകരിമരുന്ന് പ്രയോഗവും സവിശേഷതയാർന്ന മീനമൃത് എഴുന്നള്ളത്തും ഉണ്ടായിരിക്കും.ഉത്സവദിവസങ്ങളിലെല്ലാം വൈകുന്നേരം മുത്തപ്പൻ വെള്ളാട്ടം (5 -1- 24 ഒഴികെ) ഉണ്ടായിരിക്കും.5ന് ഗസ്ഥാനത്ത് നിവേദ്യവും പൂജയും വൈകുന്നേരം സർപ്പബലിയുംനടക്കും. ജനുവരി 8 ന് പുലർച്ചെ 4 മണിക്ക് ഗുളികൻ തിറ, 5 മണിക്ക് തിരുവപ്പന വെള്ളാട്ടം, രാവിലെ 8 മണിക്ക് എടലാപുരത്ത് ചാമുണ്ഡിയുടെതിറയും,വൈകുന്നേരം ഉത്സവകൊടിയിറക്കലും നടക്കും. ഉത്സവദിവസങ്ങളിൽ രാവിലെ പ്രഭാത ഭക്ഷണവും ഉച്ചയ്ക്കും രാത്രിയിലും അന്നദാനവും ഉണ്ടായിരിക്കും. 8 ദിവസം നീണ്ടുനിൽക്കുന്നതിരുവപ്പന മഹോത്സവാഘോഷ പരിപാടികളുടെ ഉദ്ഘാടനം ജനുവരി1ന് ഞായറാഴ്ച രാവിലെ 10 മണിക്ക് നാറാത്ത് ഗ്രാമ പഞ്ചായത്ത് പ്രസിഡൻറ് ശ്രീ.കെ.രമേശന്റെ അധ്യക്ഷതയിൽ ചേരുന്ന സമ്മേളനത്തിൽ വെച്ച് എം.എൽഎ.ശ്രീ.കെ.വി. സുമേഷ് നിർവ്വഹിക്കും.സമ്മേളനത്തിൽ പ്രമുഖവ്യക്തികൾ ആശംസാപ്രസംഗം നടത്തും
.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.