
തളിപ്പറമ്പ് അസംബ്ലി നിയോജകമണ്ഡലത്തിന്റെ സാമ്പത്തിക വളർച്ച ലക്ഷ്യമിട്ട് ജനുവരിയിൽ സംഘടിപ്പിക്കുന്ന ‘തളിപ്പറമ്പ് ഇൻവെസ്റ്റ്മെന്റ് ആൻഡ് ഇന്നൊവേഷൻ മീറ്റ് 2027’-ന്റെ മുന്നൊരുക്കമായി തൃശൂർ കില ആസ്ഥാനത്ത് ഏകദിന ശിൽപശാല നടന്നു. ടി.കെ. ഗോവിന്ദൻ മാസ്റ്റർ എം.എൽ.എ. ശിൽപശാല ഉദ്ഘാടനം ചെയ്തു. കില അസിസ്റ്റന്റ് ഡയറക്ടർ മുന്ന പി. സദാനന്ദ് അധ്യക്ഷത വഹിച്ച ചടങ്ങിൽ സംസ്ഥാന ആസൂത്രണ ബോർഡ് അംഗം ഡോ. പി.പി. ബാലൻ ആമുഖാവതരണം നിർവഹിച്ചു.
തളിപ്പറമ്പ് മണ്ഡലത്തിലെ വിവിധ തദ്ദേശസ്ഥാപനങ്ങളിലെ അധ്യക്ഷന്മാർ, ജനപ്രതിനിധികൾ, ഉദ്യോഗസ്ഥർ, വിഷയവിദഗ്ധർ എന്നിവർ ശിൽപശാലയിൽ സജീവമായി പങ്കെടുത്തു. പ്രാദേശികവും ആഗോളതലത്തിലുള്ളതുമായ നിക്ഷേപകരെ തളിപ്പറമ്പിന്റെ വികസനസാധ്യതകളുമായി ബന്ധിപ്പിക്കുക ലക്ഷ്യമിട്ടാണ് പദ്ധതി ആവിഷ്കരിച്ചിരിക്കുന്നത്.
പ്രധാന പങ്കാളിത്തം:
തളിപ്പറമ്പ് നഗരസഭാ വൈസ് ചെയർപേഴ്സൺ ദീപ രഞ്ജിത്, ആന്തൂർ നഗരസഭാ ചെയർപേഴ്സൺ വി. സതീദേവി, ബ്ലോക്ക്-ഗ്രാമപഞ്ചായത്ത് പ്രസിഡന്റുമാരായ ജെസി ഷിജി വട്ടേക്കാട്, സജീവ് ഓതറ, സി.സി. വിനോദ്കുമാർ, സുശീല, ബാലകൃഷ്ണൻ സി., പി.പി. ബാലകൃഷ്ണൻ, എസ്.പി. രമേശൻ മാസ്റ്റർ, ടി.വി. ഷമീമ തുടങ്ങിയവർ ശിൽപശാലയിൽ സംബന്ധിച്ചു. യു.വി. ബാബുരാജ്, ഷാജിക് എം.എച്ച്., പി.വി. ഉമ്മർ കുഞ്ഞി തുടങ്ങി വിവിധ റിസോഴ്സ് പേഴ്സൺമാർ ക്ലാസുകൾക്കും ഗ്രൂപ്പ് പ്രവർത്തനങ്ങൾക്കും നേതൃത്വം നൽകി.
ജനുവരി 9-ന് നിക്ഷേപക സംഗമം:
പ്രാദേശിക സാമ്പത്തിക വികസനം ശക്തിപ്പെടുത്തുന്നതിന്റെ ഭാഗമായി നിലവിലുള്ള നിക്ഷേപകരെയും പ്രവാസി നിക്ഷേപകരെയും സംരംഭകരെയും ഒരുമിപ്പിച്ച് ജനുവരി 9-ന് നടക്കുന്ന നിക്ഷേപക സംഗമം മുഖ്യമന്ത്രി ഉദ്ഘാടനം ചെയ്യും. വ്യവസായ-വാണിജ്യ മേഖലകളിലെ പുതിയ ആശയങ്ങൾ, ടൂറിസം വികസനം, യുവജന-വനിതാ സംരംഭകർക്കുള്ള പിന്തുണ എന്നിവയ്ക്ക് സംഗമം പ്രത്യേക മുൻഗണന നൽകും.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.

