ഓടികൊണ്ടിരിക്കുന്ന ട്രെയിനിൽ നിന്നും തെറിച്ചുവീണു യുവാവ് മരിച്ചു

കണ്ണപുരം : ഓടി കൊണ്ടിരിക്കുന്നട്രെയിനിൽ നിന്നും തെറിച്ച് വീണ് ഇതര സംസ്ഥാന തൊഴിലാളി മരിച്ചു. ജാർഖണ്ഡ് സിംഡേഗ സെൻസേവായ് സ്വദേശി ഫിലിപ്പ് ടിർക്കിയുടെ മകൻ സുജിത് ടിർക്കി (30) ആണ് മരിച്ചത് . കല്യാശേരിവെള്ളാഞ്ചിറയിൽ റെയിൽ വെട്രാക്കിലാണ് ഇന്നലെ വൈകുന്നേരം 6.30 മണിയോടെ ട്രെയിനിൽ നിന്നും തെറിച്ച് വീണ് ബോധം നഷ്‌ടപ്പെട്ട യുവാവിനെ നാട്ടുകാർ ഉടൻ പരിയാരത്തെ കണ്ണൂർ ഗവ. മെഡിക്കൽ കോളജിൽ എത്തിച്ചെങ്കിലും ജീവൻ രക്ഷിക്കാനായില്ല. കണ്ണപുരം പോലീസ് മൃതദേഹം ഇൻക്വസ്റ്റ് നടത്തി.