മയ്യിൽ ∙ പവർ ക്രിക്കറ്റ് ക്ലബ്ബ് മയ്യിൽ സംഘടിപ്പിക്കുന്ന മണിമല മാധവൻ പിള്ള സ്മാരക വിന്നേഴ്സ് ട്രോഫിക്കുവേണ്ടിയുള്ള 20-20 ക്രിക്കറ്റ് ടൂർണമെന്റ് ഡിസംബർ 24, 25 തീയതികളിൽ നടക്കും. മയ്യിൽ ഇടൂഴി മാധവൻ നമ്പൂതിരി സ്മാരക ഗവ. ഹയർ സെക്കന്ററി സ്കൂൾ ഗ്രൗണ്ടിലാണ് മത്സരങ്ങൾ അരങ്ങേറുക.
ലേലത്തിലൂടെ വിളിച്ചെടുത്ത നാല് ടീമുകളാണ് ടൂർണമെന്റിൽ മാറ്റുരയ്ക്കുന്നത്: പവർ ഇന്ത്യൻസ്, പവർ റൈഡേഴ്സ്, പവർ ബ്ലാസ്റ്റേഴ്സ്, പവർ ടൈഗേഴ്സ്. നോക്കൗട്ട് അടിസ്ഥാനത്തിൽ ലൂസേഴ്സ് ഫൈനൽ, ഫൈനൽ ഉൾപ്പെടെ നാല് മത്സരങ്ങളാണ് ഉണ്ടാവുക.
❤️ ചികിത്സാ സഹായം കൈമാറി മാതൃകയായി
ടൂർണമെന്റിന്റെ പ്രഖ്യാപനം നടന്ന വാർത്താ സമ്മേളനത്തിൽ ക്ലബ്ബ് നടത്തിയ ജീവകാരുണ്യ പ്രവർത്തനം ശ്രദ്ധേയമായി. എസ്.എം.എ. (SMA) ജനിതകരോഗം ബാധിച്ച ലിക്ഷിതിന്റെ ചികിത്സാ സഹായ നിധിയിലേക്ക് പവർ ക്രിക്കറ്റ് ക്ലബ്ബ് സ്വരൂപിച്ച സഹായ ധനം ചടങ്ങിൽ വെച്ച് കൈമാറി.
ചികിത്സാ സഹായ കമ്മറ്റി അംഗങ്ങളായ രവി മാണിക്കോത്ത്, സുരേന്ദ്രൻ മാണിക്കോത്ത്, ഷിബു, സന്തോഷ്.പി.വി. എന്നിവർ തുക ഏറ്റുവാങ്ങി.
വാർത്താ സമ്മേളനത്തിൽ സംഘാടക സമിതി ചെയർമാൻ രാധാകൃഷ്ണൻ മാണിക്കോത്ത്, കൺവീനർ ബാബു പണ്ണേരി, എക്സിക്യൂട്ടീവ് അംഗങ്ങളായ പ്രമോദ് സി, രാഹുൽ മാണിക്കോത്ത്, രാജു പപ്പാസ്, ഒ.എം. അജിത്ത്, എ.കെ. രാധാകൃഷ്ണൻ, ആർ. അജയകുമാർ, പി.വി. ശരത്, ഷൈജു ചെക്യാട്ട് കാവ് എന്നിവർ പങ്കെടുത്തു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.