പുത്തൂർ / മംഗ്ലൂർ: കേരളത്തിലും കർണ്ണാടകയിലുമായി നിരവധി കവർച്ചക്കേസുകളിലെ പ്രതിയെ കർണ്ണാടക പോലീസ് അറസ്റ്റ് ചെയ്തു. കർണ്ണാടക ഹസ്സൻ സ്വദേശിയായ സൊഹൈൽ എന്ന സോഹിബിനെ (24) യാണ് ഉപ്പിനങ്ങാടി പോലീസ് അറസ്റ്റ് ചെയ്തത്.
സൊഹൈലിനെതിരെകർണ്ണാടകയിൽ എട്ട് മോഷണ കേസുകളുണ്ട്. 2020 ലും 2022 ലും ഉപ്പിനങ്ങാടി പോലീസ് സ്റ്റേഷനിൽ രണ്ട് വ്യത്യസ്ത കേസുകളും, 2020 ൽ ബണ്ട്വാൾ ടൗൺ പോലീസ് സ്റ്റേഷനിലും ഉള്ളാൾ പോലീസ് സ്റ്റേഷനിലും ഓരോ കേസും രജിസ്റ്റർ ചെയ്തിട്ടുണ്ട്. കൂടാതെ, 2022- ൽ കേരളത്തിൽ കണ്ണൂർജില്ലയിലെ കണ്ണപുരം പോലീസ് സ്റ്റേഷനിൽ ഒരു കേസ് കൂടി രജിസ്റ്റർ ചെയ്തിട്ടുണ്ട്.
അടുത്തിടെ തലപ്പാടിയിൽ താമസിച്ചിരുന്ന ഇയാൾ പിന്നീട് താമസം മാറ്റി. ഹാസൻ ജില്ലയിലെ ബിട്ടഗൗഡനഹള്ളിയിൽ നിന്നാണ് പോലീസ് ഇയാളെ പിടികൂടിയത് അറസ്റ്റ് ചെയ്ത പ്രതിയെ കോടതിയിൽ ഹാജരാക്കി.
ഉപ്പിനങ്ങാടി എസ്.ഐ. കൗശിക്കിന്റെ നേതൃത്വത്തിൽ പോലീസ് ഉദ്യോഗസ്ഥരായ ശിവറാം, ശ്രീഷൈല, മുഹമ്മദ് മൗലാന എന്നിവരാണ് പ്രതിയെ അറസ്റ്റു ചെയ്ത സംഘത്തിലുണ്ടായിരുന്നത്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.