🌊 ഫ്ലോട്ടിങ് ഡൈനിങ്ങും കയാക്കിങ്ങും ഇനി പുല്ലൂപ്പിയിൽ! പുതിയ ജലസാഹസിക ടൂറിസം കേന്ദ്രം സഞ്ചാരികളെ ആകർഷിക്കുന്നു

✍️✍️ Kannadiparamba News Desk –

പുല്ലൂപ്പി (കണ്ണൂർ):

പുല്ലൂപ്പി പുഴയുടെ മനോഹര തീരങ്ങളിൽ, പുഴയിലൂടെ തുഴഞ്ഞ് കാഴ്ചകാണാനും, ഫ്ലോട്ടിങ് ഡൈനിംഗിലൂടെ രുചികളുടെ ലോകം അനുഭവിക്കാനും പുതിയൊരു വിനോദലോകം തുറക്കുന്നു — പുല്ലൂപ്പിക്കടവ് ടൂറിസം പദ്ധതി.

സഞ്ചാരികളെ ആകർഷിക്കാൻ സർവസജ്ജമായ ഈ പദ്ധതി 2023 സെപ്റ്റംബറിൽ നാറാത്ത് പഞ്ചായത്തിൽ, സംസ്ഥാന വിനോദസഞ്ചാര വകുപ്പ് നടപ്പാക്കിയത് ₹4.01 കോടി ചെലവിലാണ്. ആധുനിക സൗകര്യങ്ങളും പരിസ്ഥിതി സൗഹൃദ സംവിധാനങ്ങളും നിറഞ്ഞതായുള്ള ഈ ജലസാഹസിക വിനോദകേന്ദ്രം ഇപ്പോൾ കാണേണ്ട ഇടമായി മാറിക്കൊണ്ടിരിക്കുന്നു.

🍽️ ഫ്ലോട്ടിങ് ഡൈനിങ്: ഒരു യാത്രയും ഒരു സവാള ദോശയും

വളപട്ടണം പുഴയുടെ നടുവിൽ 25 പേർക്ക് ഇരിക്കാവുന്ന ഏറ്റവും വലിയ ഡൈനിങ് യൂണിറ്റും, 4 പേർക്ക് ഇരിക്കാവുന്ന 6 സിംഗിൾ യൂണിറ്റുകളും ഉൾപ്പെടെ ആകർഷകമായ ഫ്ലോട്ടിങ് ഡൈനിങ് സംവിധാനം ഒരുക്കിയിട്ടുണ്ട്. ഈ ഡൈനിങിലേക്ക് നാടൻ വള്ളം, കയാക്ക്, ബോട്ട് എന്നിവ വഴി എത്താൻ കഴിയും.

✨ പുതിയ സൗകര്യങ്ങൾ – കുടുംബത്തിനും സുഹൃത്തുക്കൾക്കും ഒരുപോലെ

• ബോട്ടിംഗ്, കയാക്കിംഗ്, സ്റ്റാൻഡ് അപ് പെഡൽ

• നടപ്പാതയും ഇരിപ്പിടങ്ങളുമുള്ള ലാൻഡ്സ്കേപ്പ് ചെയ്ത ഇടങ്ങൾ

• ബോട്ട് ജെട്ടി മാതൃകയിൽ ഡോക്ക് ഏരിയ

• 4 ഭക്ഷ്യ സ്റ്റാളുകളും 4 കിയോസ്കുകളും

• ഐസ്ക്രീം പാർലറും വരാനിരിക്കുന്നു

• രുചികൾ നിറഞ്ഞ മലബാർ വിഭവങ്ങളുള്ള റെസ്റ്റോറന്റും ഉടൻ തുറക്കും

🎉 ഉത്സവമുദക്കം – സംഗീതമൊരുക്കി പുല്ലൂപ്പിക്കടവ്!

പദ്ധതിയുടെ ഭാഗമായി റക്കായ ടീം (RAKAYA by TEYLA) സംഘടിപ്പിക്കുന്ന ജലസാഹസിക വിനോദങ്ങളും, ഭക്ഷ്യ പരിചയങ്ങളും, കുടുംബസൗഹൃദ അനുഭവങ്ങളും ചേർന്നൊരു സമഗ്ര വിനോദസഞ്ചാരകേന്ദ്രമായാണ് ഇവിടത്തെ വികസനം നടപ്പാക്കിയിരിക്കുന്നത്.

ജൂലൈ 30 ബുധൻ,

🕓 വൈകിട്ട് 4:00 മുതൽ – ജലസാഹസിക വിനോദങ്ങളും ഐസ്ക്രീം പാർലറും

🕖 രാത്രി 7:00 മുതൽ – ഗ്രാൻഡ് ഇനോഗുറേഷൻ കൺസർട്ട്

🎤 കലാപരിപാടികൾ:

VOCAL QUDE, SAFVAN LR തുടങ്ങിയ കലാകാരന്മാർ അവതരിപ്പിക്കും.

ഉദ്ഘാടനം നിർവഹിക്കുന്നത്:

🟢 കെ. വി. സുമേഷ് (എം.എൽ.എ)

മുഖ്യ അതിഥി

🟢 അരുൺ കെ വിജയൻ ഐ.എ.എസ് (കണ്ണൂർ ജില്ല കളക്ടർ)

⸻

കുട്ടികൾക്കും ആവശ്യം – ഒരു പാർക്ക്

നാടിനെ സജീവമായി ബന്ധിപ്പിക്കുന്ന ഈ പദ്ധതിക്ക് കുട്ടികൾക്കായി ഒരു കളിസ്ഥലം കൂടി ഉൾപ്പെടുത്തണമെന്നും നാട്ടുകാർ ആവശ്യപ്പെടുന്നു. പദ്ധതി കൂടുതൽ കുടുംബസൗഹൃദമാകാൻ ഇതുകൂടി അനിവാര്യമാണെന്ന് അവരുടെ അഭിപ്രായം.

🌊 പുഴയെയും പച്ചപ്പിനെയും ചേർത്തൊരു രസമൊരുക്കം — അതാണ് പുല്ലൂപ്പിക്കടവ്!

നിങ്ങളുടെ അടുത്ത യാത്രയുടെ ലക്ഷ്യസ്ഥാനം ഇതാകട്ടെ 😍

—————————————-

റിപോർട്ട്:അനീസ് കണ്ണാടിപറമ്പ് 

Kannadiparamba News Desk –