തളാപ്പ് (കണ്ണൂർ):
ബലാത്സംഗവും കൊലപാതകവുമുള്പ്പെടെ ഗുരുതര കുറ്റങ്ങള്ക്കായി ശിക്ഷ അനുഭവിച്ചു കൊണ്ടിരുന്ന ഗോവിന്ദച്ചാമി, കണ്ണൂര് അതിസുരക്ഷാ ജയിലില് നിന്ന് ജയില് ചാടിയ ഗോവിന്ദച്ചാമി പൊലീസ് പിടിയിൽ.
വ്യാപകമായി നടത്തിയ തെരച്ചിലിനിടെ തളാപ്പിലെ ഒരു സ്വകാര്യ വ്യക്തിയുടെ വീട്ടിലെ കിണറ്റിൽ നിന്നാണ് പ്രതിയെ പിടികൂടിയത്. സംഭവത്തിൽ തളാപ്പ് പ്രദേശവാസികളുടെ ജാഗ്രത സഹായകമായി.
പൊലീസിന്റെ നിഗൂഢനിരീക്ഷണം ഫലം കണ്ടു
കണ്ണൂര് ഡിസ്ട്രിക്ട് കോൺഗ്രസ് കമ്മിറ്റി ഓഫീസ് പരിസരത്ത് ഒരു കൈ ഇല്ലാത്ത ആളെ സംശയകരമായി കണ്ടതിനോടെയാണ് തുടക്കം. “ഗോവിന്ദച്ചാമി” എന്ന് ചിലർ വിളിച്ചുവെന്നും, അതു കേട്ടയുടനെ പ്രതി സമീപത്തെ കാടുകളായ പ്രദേശത്തേക്ക് ഓടി മറഞ്ഞതായും ദൃക്സാക്ഷികൾ പറയുന്നു.
സമീപത്തുണ്ടായിരുന്ന ഒരു ബസ് ഡ്രൈവർ ഇയാളെ തിരിച്ചറിഞ്ഞ് പോലീസിൽ വിവരം അറിയിച്ചതായും റിപ്പോർട്ടുണ്ട്.
ആളൊഴിഞ്ഞ വീട്ടിലേക്ക് ഒളിച്ചോടി – പിടിയിലാകുന്നത് കിണറ്റിനകത്ത്
തുടർ തിരച്ചിലിൽ തളാപ്പ് പ്രദേശത്തെ ഒരു ആളൊഴിഞ്ഞ വീടിന്റെ പരിസരത്ത് നിന്നാണ് പ്രതിയെ കണ്ടെത്തിയത്. വീടിന്റെ ചുറ്റിലും കാടുപിടിച്ച സ്ഥിതിയിലുള്ള പ്രദേശത്ത് പോലീസിന്റെ തിരച്ചിലിനിടെ കിണറ്റിനകത്താണ് ഗോവിന്ദച്ചാമിയെ കണ്ടെത്തിയത്.
പൊലീസിന്റെ കൃത്യതയും സമയബന്ധിതമായ ഇടപെടലും പ്രതിയെ പിടികൂടാൻ നിർണായകമായി.
തുടർന്ന് കസ്റ്റഡിയിൽ
പിടിയിലായ ശേഷം ഗോവിന്ദച്ചാമിയെ പോലീസ് കസ്റ്റഡിയിൽ എടുത്ത് വിശദമായി ചോദ്യം ചെയ്യുന്നു. ജയിലിൽ നിന്ന് എങ്ങനെ രക്ഷപ്പെട്ടു, സഹായികളുണ്ടോ തുടങ്ങിയ കാര്യങ്ങൾ അന്വേഷിച്ചുവരികയാണ്.
പൊതുജന ജാഗ്രതയെ പോലീസ് അഭിനന്ദിച്ചു
പ്രതിയെ തിരിച്ചറിഞ്ഞ് പോലീസിനെ വിവരം അറിയിച്ച പൊതു ജനങ്ങളോട് പോലീസ് നന്ദി അറിയിച്ചു
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.