കൊളച്ചേരി ▸ പാമ്പുരുത്തിയിൽ ദിവസേന പെരുകുന്ന തെരുവുനായ ശല്യം രൂക്ഷമാകുന്നതിനെതിരെ അടിയന്തിര നടപടി ആവശ്യപ്പെട്ട് ഡ്രോപ്സ് ചാരിറ്റബിൾ ട്രസ്റ്റ്, കൊളച്ചേരി പഞ്ചായത്ത് സെക്രട്ടറിക്കും പ്രസിഡൻ്റ്ക്കും നിവേദനം നൽകി.
കൊളച്ചേരി ഗ്രാമപഞ്ചായത്തിലെ ഒന്നാം വാർഡായ പാമ്പുരുത്തി ദ്വീപിൽ, 300-ലധികം വീടുകളുള്ള പ്രദേശത്താണ് പ്രശ്നം രൂക്ഷമായത്. കുട്ടികൾക്ക് വീട്ടുമുറ്റത്തുകൂടി സുരക്ഷിതമായി കളിക്കാൻ കഴിയാത്ത അവസ്ഥയാണ്. ദിവസേനയും 10 മുതൽ 15 വരെ തെരുവുനായ്ക്കൾ കൂട്ടമായി ചെറുപ്പക്കാർക്കിടയിലേക്കും വിദ്യാഭ്യാസ സ്ഥാപനങ്ങളിലേക്കും എത്തുന്നുണ്ട്.
യു.പി. സ്കൂൾ, മദ്രസ, രണ്ട് അങ്കണവാടികൾ തുടങ്ങിയ സ്ഥാപനങ്ങളുള്ള ദ്വീപിൽ വിദ്യാർത്ഥികൾ ഭയത്തിലൂടെയാണ് ദിവസവും പോകുന്നത്. രക്ഷിതാക്കൾ കുട്ടികളെ സ്വീകരിക്കാൻ വീതിയിലൂടെ കാത്തിരിക്കേണ്ടി വരുന്ന സാഹചര്യമാണിത്.
മുൻകാലങ്ങളിലുണ്ടായിട്ടില്ലാത്ത വിധത്തിൽ തെരുവുനായ്ക്കളുടെ എണ്ണം പെരുകുന്നതിന് പിന്നിലെ കാരണങ്ങൾ കണ്ടെത്തുകയും, ഇല്ലാതാക്കുന്നതിനുള്ള അടിയന്തര നടപടി സ്വീകരിക്കണമെന്നുമാണ് ട്രസ്റ്റിന്റെ ആവശ്യം.
ഡ്രോപ്സ് സെക്രട്ടറി സിദ്ദീഖ് പാലങ്ങാട്ട്, അംഗങ്ങളായ എം. ഷൗക്കത്തലി, റാസിഖ് എം എന്നിവർ ചേർന്നാണ് നിവേദനം നൽകിയത്. സെക്രട്ടറി അബിയൽ ബി, പ്രസിഡൻ്റ് കെ.പി. അബ്ദുൽ മജീദിന്റെ വേണ്ടി വൈസ് പ്രസിഡൻ്റ് സജ്മ എന്നിവരാണ് നിവേദനം ഏറ്റുവാങ്ങിയത്.
*🛑🛑👉🏻 നിങ്ങളുടെ വാർത്ത പുറംലോകത്തെ അറിയിക്കേണ്ടതുണ്ടോ?*
📢 ഇനി വൈകാതെ പങ്കുവയ്ക്കൂ – kannadiparamba.online വഴി!
📰 നാട്ടിനകത്തും പുറത്തുമായി…
🗣️ നിങ്ങളുടെ ഭാഷയിൽ, നിങ്ങളുടെ വാർത്ത!
📲 ഉടനെ ബന്ധപ്പെടൂ:
75599 54786
96059 58974
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.