തിരുവനന്തപുരം: സംസ്ഥാനത്ത് സ്വകാര്യബസുകളുടെ സൂചനാ പണിമുടക്ക് ഇന്ന് ആരംഭിച്ചു. വിദ്യാര്ഥി കണ്സഷന് വര്ധിപ്പിക്കല് ഉള്പ്പെടെയുള്ള ആവശ്യങ്ങള് ഉന്നയിച്ചുള്ള ചര്ച്ച സര്ക്കാരുമായി പരാജയപ്പെട്ടതോടെയാണ് ബസ് ഉടമകള് പണിമുടക്കിലേക്ക് കടന്നത്.
ബസ് സ്റ്റാന്ഡുകള് നിശ്ചലമായ സാഹചര്യത്തിലാണ് സര്ക്കാര് കൂടുതല് കെഎസ്ആര്ടിസി സര്വീസുകള് നിരത്തിലിറക്കുന്നത്. പണിമുടക്കിന്റെ പശ്ചാത്തലത്തില് കെഎസ്ആര്ടിസി എക്സിക്യൂട്ടീവ് ഡയറക്ടര് സര്ക്കുലര് പുറപ്പെടുവിച്ചിട്ടുണ്ട്. ആശുപത്രികള്, എയര്പോര്ട്ടുകള്, റെയില്വേ സ്റ്റേഷനുകള് ഉള്പ്പെടെയുള്ള പ്രധാന കേന്ദ്രങ്ങളിലേക്ക് ആവശ്യാനുസരണം സര്വീസ് നടത്തണമെന്ന് സര്ക്കുലറില് വ്യക്തമാക്കിയിട്ടുണ്ട്. ക്രമസമാധാന പ്രശ്നങ്ങള് ഉണ്ടാകുന്നതായാല് പോലീസ് സഹായം തേടാനും നിര്ദേശം നല്കിയിട്ടുണ്ട്.
ജൂലൈ 22 മുതല് അനിശ്ചിതകാല സമരത്തിലേക്ക് കടക്കുമെന്ന് ബസ് ഉടമകള് മുന്നറിയിപ്പും നല്കിയിട്ടുണ്ട്.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.