അബുദാബി: അറേബ്യൻ പെനിന്സുലയില് കടുത്ത വേനൽക്കാലം തുടങ്ങി. അതിതീവ്ര വേനൽക്കാലമായി അറിയപ്പെടുന്ന ജംറത് അൽ ഖൈദ് സീസൺ ആരംഭിച്ചു. പ്രദേശം ഇനി വളരെ ഉയർന്ന താപനില, വരൾച്ചയ്ക്ക് സമാനമായ കാലാവസ്ഥ, കൊടും ചൂട് എന്നിവയ്ക്കാണ് സാക്ഷ്യം വഹിക്കുക. ജൂലൈ 3-ാം തീയതി വ്യാഴാഴ്ച പുലർച്ചെ കിഴക്കൻ ആകാശത്ത് ജെമിനി നക്ഷത്രത്തിലെ ആദ്യ നക്ഷത്രം പ്രത്യക്ഷപ്പെട്ടപ്പോൾ ഔദ്യോഗികമായി ഈ സീസൺ ആരംഭിച്ചു. ഇത് ഗൾഫ് മേഖലയിൽ വർഷത്തിലെ ഏറ്റവും ചൂടുള്ള കാലഘട്ടം തുടങ്ങുന്നതിന്റെ സൂചനയായി കരുതപ്പെടുന്നു. ജംറത് അൽ ഖൈദ് കാലഘട്ടം സാധാരണയായി അത്യന്തം വരളച്ചതും കൊടും ചൂടേറിയ മരുഭൂമി കാറ്റുകളായ ‘സമൂം കാറ്റുകൾ’ വീശുന്ന കാലഘട്ടമാണ്. ചില മരുഭൂമി പ്രദേശങ്ങളിൽ പകൽസമയത്ത് താപനില 50 ഡിഗ്രി സെൽഷ്യസിന് മുകളിലേക്ക് എത്തുമെന്നാണ് പ്രതീക്ഷിക്കുന്നത്. ചുട്ടുപൊള്ളിക്കുന്നതുമായ വരണ്ട കാറ്റും അനുഭവപ്പെടും.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.