മലപ്പട്ടം: കനത്ത മഴയെ തുടർന്ന് മണ്ണിടിഞ്ഞ് മരങ്ങളും വൈദ്യുത തൂണുകളും റോഡിൽ വീണ് ഗതാഗതം തടസപ്പെട്ടു. ശ്രീകണ്ഠപുരം-മലപ്പട്ടം റോഡിലെ കൊളന്ത് ഭാഗത്താണ് അപകടം ഉണ്ടായത്.
വൈകിട്ട് അഞ്ചുമണിയോടെയായിരുന്നു മണ്ണിടിച്ചിൽ. ഇതിനെ തുടർന്ന് മരങ്ങളും വൈദ്യുത തൂണുകളും റോഡിൽ വീഴുകയായിരുന്നു. ഒരു മണിക്കൂറിലേറെത്തോളം ഗതാഗതം പൂർണമായി മുടങ്ങി.
സ്ഥിതിഗതികൾ മനസ്സിലാക്കിയ മലപ്പട്ടം പഞ്ചായത്ത് പ്രസിഡന്റ് കെ.പി. രമണിയുടെ നേതൃത്വത്തിൽ നാട്ടുകാർ ചേർന്ന് വീണ മരങ്ങൾ മുറിച്ചുമാറ്റുകയും, ഗതാഗത തടസ്സം നീക്കുകയും ചെയ്തു. വൈദ്യുതി വകുപ്പ് അധികൃതരും സ്ഥലത്ത് എത്തി തകരാർ പരിഹരിക്കുകയായിരുന്നു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.