കണ്ണൂർ: ഹോൾസെയിൽ സ്ഥാപനത്തിൽ നിന്നും പലതവണകളായി 30 ലക്ഷം രൂപ വിലവരുന്ന സിഗരറ്റുകൾ മോഷ്ടിച്ചു കൊണ്ടു പോയസെയിൽസ് മാനെ തമിഴ്നാട്ടിൽ വെച്ച് ടൗൺപോലീസ് പിടികൂടി . തമിഴ്നാട് രാജാപാളയം സ്വദേശി വേൽമുരുകനെ (46) യാണ് ടൗൺ സ്റ്റേഷൻ ഇൻസ്പെക്ടർ കൈലാസ് നാഥിൻ്റെ നേതൃത്വത്തിൽ എസ്.ഐ. ടി .എം . വിപിനും സംഘവും തമിഴ്നാട് രാജാപാളയം വെച്ച് പിടികൂടിയത്.
കണ്ണൂർ ഹാജി റോഡിലെ എബിൾ സ്റ്റോറിലെ അക്കൗണ്ടൻ്റ് അലവിൽ സ്വദേശി സി. ജിജിലിൻ്റെ പരാതിയിലായിരുന്നു ടൗൺ പോലീസ് കേസെടുത്തിരുന്നത്. 2024 ഫെബ്രുവരി മാസം മുതൽ 2026 ജൂലായ് വരെയുള്ള കാലയളവിൽ കടയിൽ സൂക്ഷിച്ചിരുന്ന പത്തു പെട്ടികളിലായുള്ള 30 ലക്ഷം രൂപ വിലവരുന്ന സിഗരറ്റുകളാണ് പ്രതി കളവു ചെയ്തു കൊണ്ടുപോയെന്നായിരുന്നു പരാതി .കേസെടുത്ത പോലീസ് അന്വേഷണത്തിനിടെ പ്രതി തമിഴ്നാട്ടിലേക്ക് കടന്നിരുന്നു .തുടർന്ന് പ്രതിയെ തമിഴ്നാട്ടിലെത്തി പോലീസ്പിടികൂടുകയായിരുന്നു. അറസ്റ്റിലായ പ്രതിയെ ഇന്ന് കോടതിയിൽ ഹാജരാക്കും.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.