അഡ്വ. ബിനോയ് കുര്യൻ കണ്ണൂർ ജില്ലാ പഞ്ചായത്ത് പ്രസിഡന്റ്

കണ്ണൂർ: കണ്ണൂർ ജില്ലാ പഞ്ചായത്ത് പ്രസിഡന്റായി സി.പി.എമ്മിലെ അഡ്വ. ബിനോയ് കുര്യൻ തിരഞ്ഞെടുക്കപ്പെട്ടു. ഇന്ന് നടന്ന വോട്ടെടുപ്പിൽ യു.ഡി.എഫ് സ്ഥാനാർത്ഥി ബേബി തോലേനിയെ പരാജയപ്പെടുത്തിയാണ് അദ്ദേഹം ജില്ലയുടെ അമരക്കാരനായത്.

തിരഞ്ഞെടുപ്പ് വിവരം:

ജില്ലാ പഞ്ചായത്ത് ഹാളിൽ നടന്ന വോട്ടെടുപ്പിൽ ബിനോയ് കുര്യന് 18 വോട്ടുകൾ ലഭിച്ചു. യു.ഡി.എഫ് പ്രതിനിധിയായ ബേബി തോലേനിക്ക് 7 വോട്ടുകളാണ് ലഭിച്ചത്. പെരളശേരി ഡിവിഷനിൽ നിന്നുള്ള ജില്ലാ പഞ്ചായത്ത് അംഗമാണ് അഡ്വ. ബിനോയ് കുര്യൻ.