(മയ്യിൽ) | പൊതുവിദ്യാഭ്യാസ വകുപ്പ്, സമഗ്ര ശിക്ഷാ കേരളം (എസ്.എസ്.കെ.) തളിപ്പറമ്പ് സൗത്ത് ബി.ആർ.സി. എന്നിവയുടെ സംയുക്താഭിമുഖ്യത്തിൽ സംഘടിപ്പിച്ച ഭിന്നശേഷി വാരാചരണം സമാപിച്ചു. ഭിന്നശേഷിയുള്ള കുട്ടികളുടെ അവകാശങ്ങളെയും പ്രാധാന്യത്തെയും കുറിച്ചുള്ള അവബോധം നൽകുന്ന പരിപാടികളാണ് വാരാചരണത്തിൽ നടന്നത്.
🌟 എസ്എസ്കെ ജില്ലാ പ്രോഗ്രാം ഓഫീസർ ഉദ്ഘാടനം ചെയ്തു
സമാപന സമ്മേളനം പറശ്ശിനിക്കടവ് ഹയർ സെക്കൻഡറി സ്കൂൾ ഓഡിറ്റോറിയത്തിൽ എസ്.എസ്.കെ. ജില്ലാ പ്രോഗ്രാം ഓഫീസർ ഡോ. കെ.വി. ദീപേഷ് ഉദ്ഘാടനം ചെയ്തു. ഉപജില്ലാ വിദ്യാഭ്യാസ ഓഫീസർ കെ.കെ. രവീന്ദ്രൻ അധ്യക്ഷത വഹിച്ചു.
സംസ്ഥാന ഭിന്നശേഷി ഉപദേശക സമിതി അംഗം സി.കെ. അബൂബക്കർ വിഷയാവതരണം നടത്തി. വാരാചരണത്തിൻ്റെ ഭാഗമായി നടത്തിയ വിവിധ മത്സരങ്ങളിൽ വിജയിച്ചവർക്ക് പ്രിൻസിപ്പൽ പി.കെ. രൂപേഷ് സമ്മാനവിതരണം നടത്തി.
വിവിധ കലാപരിപാടികളും സമാപന ചടങ്ങിനോടനുബന്ധിച്ച് അരങ്ങേറി.
സമാപന ചടങ്ങിൽ ബി.പി.സി. എം.വി. നാരായണൻ, എം.പി. നഫീറ, ഇ. ജിതേഷ്കുമാർ, എം.കെ. ഹരിദാസൻ, എം. ധന്യ, എ.വി. അഞ്ജന എന്നിവർ സംസാരിച്ചു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.