പാറപ്പുറം: ശിശുദിനത്തോടനുബന്ധിച്ച് പാറപ്പുറം അങ്കണവാടിയിലെ കുട്ടികൾക്ക് X Gulf Arts & Sports Club ഡ്രോയിങ് പുസ്തകങ്ങളും കളർ പെൻസിലുകളും വിതരണം ചെയ്തു. കുട്ടികളിലെ കലാപരമായ കഴിവുകളെ പ്രോത്സാഹിപ്പിക്കുക എന്ന ലക്ഷ്യത്തോടെയാണ് ക്ലബ്ബ് ഈ വിതരണം നടത്തിയത്.
ക്ലബ്ബ് രക്ഷാധികാരിയായ മുഹമ്മദ് അങ്കണവാടി ടീച്ചറായ രജിത ടീച്ചർക്ക് നൽകിക്കൊണ്ട് വിതരണം ഉദ്ഘാടനം ചെയ്തു. അങ്കണവാടിയിലെ മുഴുവൻ കുട്ടികൾക്കും ചിത്രരചനയ്ക്കുള്ള പുസ്തകങ്ങളും കളർ പെൻസിലുകളും ഈ ചടങ്ങിൽ കൈമാറി.
അങ്കണവാടി ഹെൽപ്പർ റീന പരിപാടിയിൽ സംബന്ധിച്ചു. ക്ലബ്ബിൻ്റെ ഈ ഉദ്യമം കുട്ടികൾക്ക് ശിശുദിനത്തിൽ സന്തോഷകരമായ അനുഭവമായി മാറി.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.