വോട്ടർ പട്ടികയിൽ നിന്നും പേരുകൾ നീക്കം ചെയ്യുന്നതിനെതിരെ മഹിളാ കോൺഗ്രസ് സിഗ്നേച്ചർ ക്യാമ്പയിൻ

കണ്ണാടിപ്പറമ്പ്:

ഇന്ത്യയിലെ പൗരന്മാരായ ഞങ്ങളുടെ പേരുകൾ വോട്ടർ പട്ടികയിൽ നിന്ന് നീക്കം ചെയ്യുന്ന നിയമവിരുദ്ധമായ നടപടി ഉടൻ അവസാനിപ്പിക്കണമെന്ന് ആവശ്യപ്പെട്ടുകൊണ്ട്, മഹിളാ കോൺഗ്രസ് കണ്ണാടിപ്പറമ്പ് മണ്ഡലം കമ്മിറ്റിയുടെ നേതൃത്വത്തിൽ സിഗ്നേച്ചർ ക്യാമ്പയിൻ സംഘടിപ്പിച്ചു.

ക്യാമ്പയിൻ മഹിളാ കോൺഗ്രസ് കണ്ണാടിപ്പറമ്പ് മണ്ഡലം കമ്മിറ്റി പ്രസിഡൻറ് കെ. ഇന്ദിര ഉദ്ഘാടനം ചെയ്തു.

വോട്ടർ പട്ടികയിലെ പേരുകൾ അന്യായമായി നീക്കം ചെയ്യുന്നത് ജനാധിപത്യാവകാശങ്ങളെയും ഭരണഘടനാ മൂല്യങ്ങളെയും അപമാനിക്കുന്നതാണെന്ന് നേതാക്കൾ അഭിപ്രായപ്പെട്ടു.

വോട്ടവകാശം സംരക്ഷിക്കാനും ജനങ്ങളുടെ പങ്കാളിത്തം ഉറപ്പാക്കാനും ലക്ഷ്യമിട്ടാണ് ഈ ക്യാമ്പയിൻ സംഘടിപ്പിച്ചത്.