പണിമുടക്ക് ഇന്ന്

മയ്യിൽ: മണ്ണുമാന്തി യന്ത്രങ്ങളുടെ വാടക വർധന കൺസ്ട്രക്ഷൻ എക്യുപ്മെന്റ് ഓണേഴ്‌സ് അസോസിയേഷൻ ഇന്ന് (ചൊവ്വാഴ്ച) പണിമുടക്ക് നടത്തും.

പണിമുടക്കിനോടനുബന്ധിച്ച് വാഹന റാലിയും സംഘടിപ്പിച്ചിട്ടുണ്ട്. പരിപാടിയുടെ ജില്ലാതല ഉദ്ഘാടനം രാവിലെ 10-ന് മയ്യിൽ എട്ടേയാറിൽ നടക്കും. ജില്ലാ പ്രസിഡൻ്റ് എ. അബുൾ ഖാദർ കടൂർ ഫ്ലാഗ് ഓഫ് ചെയ്യും.

എട്ടേയാറിൽ നിന്ന് കൊളച്ചേരി മുക്ക് വരെ മണ്ണുമാന്തി യന്ത്രങ്ങൾ, ടിപ്പർ ലോറികൾ, എക്സ്കവേറ്റർ എന്നിവർ റാലിയിൽ അണിനിരക്കും.

പയ്യന്നൂർ, തളിപ്പറമ്പ്, ആലക്കോട്, ശ്രീകണ്ഠാപുരം, കണ്ണൂർ, തലശ്ശേരി, കൂത്തുപറമ്പ്, മട്ടന്നൂർ, ചൊക്ലി, പേരാവൂർ, ചെറുപുഴ തുടങ്ങിയ കേന്ദ്രങ്ങളിലുമാണ് റാലി സംഘടിപ്പിക്കുന്നത്.