മട്ടന്നൂരിൽ മണ്ണിടിഞ്ഞ് വീണ് ഒരാൾ മരിച്ചു

മട്ടന്നൂർ ❘കായലൂർ കുംഭം മൂലയിൽ മണ്ണിടിഞ്ഞ് വീണ് ഒരാൾ മരിച്ചു. ഇരിട്ടി കീഴ്പ്പള്ളി സ്വദേശി മനീഷാണ് മരിച്ചത്.

കുടിവെള്ള വിതരണ പദ്ധതിയുടെ പൈപ്പ് സ്ഥാപിക്കുന്നതിനിടെയാണ് തൊഴിലാളികളായ കീഴ്പ്പള്ളി സ്വദേശി മനീഷ്, ചെറുപുഴ സ്വദേശി തങ്കച്ചൻ എന്നിവർക്ക് പരുക്കേറ്റത്.

അപകടത്തിൽ മനീഷിന് ഗുരുതര പരുക്കേറ്റിരുന്നു. മണ്ണ് നീക്കുന്നതിന് ഇടയിൽ ചെങ്കൽ ഭിത്തി ഇടിഞ്ഞ് വീണതിനെ തുടർന്നാണ് അപകടം.

പരുക്കേറ്റ തങ്കച്ചൻ ചികിത്സയിൽ തുടരുകയാണ്. ഫയർ ഫോഴ്സും നാട്ടുകാരും ചേർന്നാണ് മണ്ണിനടിയിൽ കുടുങ്ങിയവരെ പുറത്തെടുത്തത്.