കണ്ണൂർ കലക്ട്രേറ്റിന് മുന്നിൽ വയോധികയുടെ ഒറ്റയാൾ സമരം

കണ്ണൂർ: വീട്ടിലേക്കുള്ള വഴി ശരിയാക്കി തരാമെന്ന് പറഞ്ഞ് പണം വാങ്ങിയ ശേഷം അയൽവാസികൾ തന്നെ ചതിച്ചുവെന്നാരോപിച്ച് വിധവയായ വയോധിക കണ്ണൂർ കലക്ട്രേറ്റിന് മുന്നിൽ ഒറ്റയാൾ സമരം നടത്തി.

പായം പഞ്ചായത്തിലെ കിളിയന്തറ 32-ാം മൈലിൽ താമസിക്കുന്ന അച്ചാമ്മ ആന്റണിയാണ് ഇന്ന് രാവിലെ മുതൽ കലക്ട്രേറ്റിന് മുന്നിൽ നിൽപ്പ് സമരം നടത്തിയത്.

👉 “വാർദ്ധക്യ സഹജമായ രോഗങ്ങളാൽ ഏറെ പ്രയാസപ്പെടുകയാണ്. മൂന്ന് സെന്റ് സ്ഥലത്ത് ചെറിയ വീട്ടിലാണ് താമസം. വീട്ടിലേക്കുള്ള ഏക വഴിയാണുള്ളത്. അത് ശരിയാക്കിത്തരാമെന്ന് പറഞ്ഞ് അയൽവാസികൾ പണം വാങ്ങി. എന്നാൽ അവരുടെ സൗകര്യത്തിന് വേണ്ടി എന്റെ വഴിയടച്ച് കോൺക്രീറ്റ് ചെയ്തു,” – അച്ചാമ്മ ആരോപിച്ചു.

💧 കുടിവെള്ളം വാങ്ങാൻ പോലും ഇപ്പോൾ അയൽവാസിയുടെ വീട്ടിലേക്കുള്ള വഴിയിൽ ഗോവണി വെച്ച് കയറുകയും ഇറങ്ങുകയും ചെയ്യുന്ന ദുരവസ്ഥയിലാണ് അവർ.

📌 പായം പഞ്ചായത്ത് പ്രസിഡന്റിനും കണ്ണൂർ കലക്ടർക്കും പല തവണ പരാതി നൽകിയെങ്കിലും നടപടി ഉണ്ടായില്ലെന്ന് അവർ പറഞ്ഞു. അതിനാലാണ് കലക്ട്രേറ്റിന് മുന്നിൽ ഒറ്റയാൾ സമരത്തിലിറങ്ങേണ്ടി വന്നതെന്നും വ്യക്തമാക്കി.