പയ്യന്നൂർ: പയ്യന്നൂർ അമ്പലം – തെരു റോഡിനരികിലെ
ഇട റോഡിൽ ഗ്യാസ് ഏജൻസി ജീവനക്കാരനെ ബൈക്കിലെത്തിയ
മൂന്നംഗസംഘം ആക്രമിച്ച് 2,54,000 രൂപ
കവർന്നു. ചെറു കുന്നിലെ
അന്നപൂർണ ഗ്യാസ് ഏജൻസി ജീവനക്കാരനും പയ്യന്നൂർ റൂറൽ ബാങ്ക്
റിട്ട. ജീവനക്കാരനുമായ
സി.കെ.രാമകൃഷ്ണനെയാണ് ആക്രമിച്ച് പണം
കവർന്നത്. ശനിയാഴ്ച രാത്രി 7.30 മണിയോടെയാണ് സംഭവം.
ജോലി കഴിഞ്ഞ് രാമകൃഷ്ണൻ വീട്ടിലേക്ക് പോകും വഴി വീടിനു സമീപത്തുള്ള
ഇട റോഡിൽ വച്ചാണ് ആക്രമിക്കപ്പെട്ടത്.
ബൈക്കിലെത്തിയ അക്രമികളിൽ ഒരാൾ
ഹെൽമെറ്റും രണ്ടാമൻ
മാസ്കും ധരിച്ചിരുന്നുവെന്ന് രാമകൃഷ്ണൻ പറഞ്ഞു. അടുത്തെത്തി കഞ്ചാവു വില്പനയാണ്
തനിക്ക് പണി എന്ന് ചോദിക്കുകയും ബാഗ്
പരിശോധിക്കണമെന്ന്
ആവശ്യപ്പെടുകയുമായിരുന്നു. ബലമായി ബാഗിനുള്ളിലെ പണം
എടുക്കുകയും കുറച്ച് ദൂരെ വച്ച ബൈക്കിനരികിലേക്ക്
അക്രമികൾ ഓടുകയും
ചെയ്തു. എന്നാൽ രാമകൃഷ്ണനെ തള്ളി വീഴ്ത്തിയ സംഘം ഇതിനിടെ
ബൈക്കിൽ കയറി
പയ്യന്നൂർ ഭാഗത്തേക്ക്
രക്ഷപ്പെടുകയും ചെയ്തു. വീഴ്ചയിൽ
കല്ലിൽ തലയിടിച്ച് രാമകൃഷ്ണന് പരിക്കേറ്റു. ഇയാളെ പയ്യന്നൂർ
സഹകരണാശുപത്രിയിൽ പ്രവേശിപ്പിച്ചു. ബഹളം കേട്ട് പരിസരവാസികൾ
ഓടിയെത്തുകയും കവർച്ചക്കാരെ വഴിയിൽ തിരച്ചിൽ
നടത്തുകയും ചെയ്തെങ്കിലും കണ്ടെത്താനായില്ല. സംഭവമറിഞ്ഞ് പയ്യന്നൂർ പോലീസും സ്ഥലത്തെത്തി അന്വേഷണം തുടങ്ങി. സംഘത്തിൽ മൂന്നുപേരുണ്ടെന്നും ഒരാൾ ബൈക്കിനരികിൽ കാത്തിരിക്കുന്നതായും
മൂന്നുപേർ ഒരുബൈക്കിൽ പോകുന്നതായി കണ്ടെന്നും രാമകൃഷ്ണൻ പറഞ്ഞു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.