നവധ്വനി കണ്ണാടിപറമ്പ് സ്വാതന്ത്ര്യ ദിനാഘോഷവും വിദ്യാർത്ഥി അനുമോദനവും നടത്തി

കണ്ണാടിപ്പറമ്പ് ∙ നവധ്വനി കണ്ണാടിപ്പറമ്പ് സ്വാതന്ത്ര്യ ദിനം ആചരിക്കുകയും, ഉന്നത വിജയം നേടിയ വിദ്യാർത്ഥികളെ അനുമോദിക്കുകയും ചെയ്തു.

സെൻറ് ഇഗ്നേഷ്യസ് ദേവാലയ ഇടവക വികാരി ഫാ. ക്ലമെന്റ് ലെയ്ഞ്ചൻ കൊടിയുയർത്തി. യൂജിൻ ബോബൻ സ്വാഗതം പറഞ്ഞു. രഞ്ജിത്ത് അധ്യക്ഷത വഹിച്ചു. കണ്ണൂർ മീഡിയ ക്ലബ്ബ് പ്രസിഡണ്ട് സജീവൻ പി മുഖ്യപ്രഭാഷണം നടത്തി.

13ാം വാർഡ് മെമ്പർ കെ.വി. സൽമത്ത്, 12ാം വാർഡ് മെമ്പർ മെഹ്റാബി എന്നിവർ ആശംസകൾ അർപ്പിച്ചു. ജോഷി കെ നന്ദിപ്രകാശനം നടത്തി.

ഉന്നത വിജയം നേടിയ കുട്ടികളെ അനുമോദിച്ചു. തുടർന്ന് മധുര വിതരണം നടന്നു.