കണ്ണൂർ : പ്രായപൂർത്തിയാകാത്ത പെൺകുട്ടികളെ തട്ടിക്കൊണ്ടുപോയി പീഡിപ്പിച്ച കേസിൽ 20 വർഷത്തിനുശേഷം പ്രതി പിടിയിൽ. ചെറുവത്തൂർ രാഗി മന്ദിരത്തിൽ എം.പി. രാഗേഷിനെ (45) ആണ് ടൗൺ പോലീസ് ഇൻസ്പെക്ടർ ശ്രീജിത്ത് കൊടേരിയുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. 2005-ൽ പള്ളിക്കുന്നിലാണ് സംഭവം. കേസിലെ ഒന്നാം പ്രതിയെ പോലീസ് പിടികൂടിയിരുന്നുവെങ്കിലും രണ്ടാം പ്രതിയായ രാഗേഷ് സംഭവത്തിന് ശേഷം ഒളിവിൽപോയി.
സംസ്ഥാനത്തിനകത്തും പുറത്തും വിവിധ സ്ഥലങ്ങളിൽ ജോലിചെ യ്തു. ഇതിനിടയിൽ പോണ്ടിച്ചേരിൽനിന്നാണ് പ്രതിയെ പിടികൂടിയത്.